Saga - 2009, Blaðsíða 180

og Björgólfs Thors“ (bls. 416), upplýsir Guðjón lesendur; grunnur
að samstarfi hafði verið lagður.
Björgólfur Thor var ásamt fleirum búinn að fjárfesta í lyfjafyrir-
tækjum í Búlgaríu. Guðjón sýnir hvernig forseti Íslands lagði sitt af
mörkum til að styðja við frekari umsvif hans þar. Um haustið kom
til að mynda forseti Búlgaríu í örstutta heimsókn til Íslands í boði
Ólafs Ragnars. Fund þeirra tveggja sátu tveir menn, Sindri Sindra -
son, forstjóri Pharmaco, og Björgólfur Thor, stjórnarformaður og
aðaleigandi þess: „Nánast allur fundurinn fór í að ræða hagsmuni
Pharmaco í lyfjaframleiðslunni og væntanlega lyfjalöggjöf í Búlg -
aríu sem skipti miklu máli fyrir hag fyrirtækisins“ (bls. 417). og
nokkru seinna er Ólafur Ragnar heiðursgestur á vegum Pharma co í
hópferð á vegum fyrirtækisins til Búlgaríu til að vígja nýja verk -
smiðju. og Guðjón skilgreinir ferðina með þessum hætti: „Þetta var
í fyrsta sinn sem forseti Íslands fór í vinnuferð til útlanda sem
helguð var einu fyrirtæki. Ólafur Ragnar átti í ferðinni fundi með
Parvanov forseta Búlgaríu og Símoni af Saxe-Coburg forsætisráð -
herra og fleiri ráðamönnum. Þá fundi og fleiri sátu Björgólfs feðgar“
(bls. 420).32 og skömmu síðar segir Guðjón: „Ólafur Ragnar hélt
góðu sambandi við stjórnvöld í Búlgaríu eftir ferðina haustið 2002
og lagði fram sinn skerf til að hjálpa til við frekari fjárfestingar
Björg ólfsfeðga í landinu. Í september 2005 fór hann í aðra vinnu-
heimsókn til Búlgaríu“ ( bls. 421).33 Skömmu seinna kom Búlgaríu -
forseti við á Íslandi og í kjölfarið skrifaði Ólafur Ragnar honum
langt bréf „sem að miklu leyti fjallaði um umsvif Björgólfs Thors
Björgólfs sonar og var í raun meðmælabréf með honum“ (bls. 422).
Þessi túlkun Guðjóns á tilgangi bréfsins er athyglisverð og verður
fróðlegt fyrir fræðimenn framtíðar að komast í þetta bréf. Hann
lætur hins vegar lesendum eftir að spyrja hvort þjóðkjörinn forseti
lýðveldis eigi yfirleitt að skrifa meðmælabréf með einum fjárfesti.
Guðjón gerir annars almennt mikið úr því hve mikill hagnaður hafi
orðið af fjárfestingum Björgólfsfeðga í Búlgaríu; undir niðri hefur
honum þó ef til vill óað við öllu saman því að hann talar um „inn-
rás“ þeirra í landið (bls. 423).
páll björnsson180
32 Geta má þess að hugtakið vinnuferð merkir ferð sem ekki er opinber heim-
sókn með ráðherrum og tilheyrandi. Síðan má auðvitað velta fyrir sér hvort
nær væri að tala um einkaheimsóknir, að minnsta kosti í sumum tilfellum.
33 Athyglisvert er að vefsíða forsetaembættisins talar ekki um vinnuheimsóknir
heldur bara heimsóknir; síðari heimsóknin er að auki sögð vera í boði forseta
Búlgaríu.
Saga vor 2009 UMBROT NOTA-1:Saga haust 2004 - NOTA 5.5.2009 15:52 Page 180