Saga - 2009, Blaðsíða 185

ar og Róbert Wessmann hjá Actavis beittu sér fyrir svokölluðum
forvarnardegi árið 2006 og fjármagnaði Actavis hann (bls. 386).
Guðjón rekur einnig dæmi þar sem viðleitni forsetans varð árang-
urslaus. Ólafur Ragnar studdi til að mynda vel við bakið á Rann -
sóknarsetri um smáríki við Háskóla Íslands og eyddi talsverðri
orku í það að fá bandarískar sjálfseignarstofnanir til að styðja við
setrið, en án árangurs (bls. 241). Fróðlegt er einnig að lesa um þátt
Ólafs Ragnars í stofnun þekkingarvers á gamla varnarsvæðinu á
keflavíkurflugvelli (Atlantic­Center­of­Excellence). Þar tók hann virk-
an þátt í hugmyndavinnunni og gerð kynningarefnis (bls. 528).
Guðjón dregur þannig upp mynd af forseta sem leggur ekki árar í
bát þótt á móti blási á stundum.
Guðjón telur að forsetaembættið hafi verið fáliðað með tilliti til
þess hve umsvif þess hafi verið mikil. Síðan segir hann frá því
hvernig Ólafur beitti sér fyrir því að kristján Guy Burgess setti á
laggirnar sjálfstæða stofnun, svokallað Alþjóðaver eða Global Cent er,
haustið 2005 til að liðsinna forsetaskrifstofunni og fleiri aðilum.
Forsetinn fékk „helstu forkólfa íslensks atvinnulífs“ til að fjár-
magna þetta framtak, en verið selur síðan út þjónustu sína (bls.
547). Næstu þrjú árin átti kristján eftir að fara fjölmargar ferðir með
forsetanum og vinna með honum að ýmsum verkefnum. Hvaða
fyrirtæki studdu þessa stofnun kemur ekki fram í bókinni, en lík-
lega eru það þau fyrirtæki sem Ólafur Ragnar hefur haft hvað nán-
ust tengsl við.37 Að mati Guðjóns gegnir, eða gegndi, verið mikil-
vægu hlutverki fyrir Ólaf Ragnar:
Öðrum þræði er Alþjóðaverið eins konar leynivopn forseta
Íslands. Vegna mannfæðarinnar á forsetaskrifstofunni hefur
það getað sinnt ýmsum nauðsynlegum verkefnum sem forset-
inn hefur haft frumkvæði að eða gengist fyrir. Segja má að
Ólafur Ragnar, Örnólfur Thorsson forsetaritari og kristján Guy
Burgess myndi þríeyki sem vinnur náið saman að mörgum
málum (bls. 550).
Guðjón lætur hins vegar lesendum sínum það algerlega eftir að
spyrja sig hvort það sé siðferðilega rétt að starfsmaður einkafyrir-
tækis sé með þessum hætti inni á gafli á forsetaskrifstofunni.38
bjartsýnisbók í beinni 185
37 Heimasíða Alþjóðavers, www.global-center.org, er upplýsandi um starfsemi
þess. Ljóst má vera að Actavis hefur verið meðal styrktaraðila versins, því að
verið er til húsa í höfuðstöðvum fyrirtækisins og deilir faxnúmeri með því.
38 kristján er þó varla hluti af þessu þríeyki lengur vegna þess að hann var ráðinn
aðstoðarmaður utanríkisráðherra, Össurar Skarphéðinssonar, í mars 2009.
Saga vor 2009 UMBROT NOTA-1:Saga haust 2004 - NOTA 5.5.2009 15:52 Page 185