Saga - 2011, Qupperneq 191

Um þetta viðhorf Þórs er í sjálfu sér ekkert að segja, enda fráleitt að
krefjast þess að sagnfræðingar megi ekki hafa skoðanir á viðfangs-
efnum sínum. En hitt vita þeir sem fengist hafa við fræðileg skrif að
láti höfundurinn fyrirframgefnar skoðanir sínar og sleggjudóma
ráða för missir verkið um leið bæði fræði- og sannleiksgildi sitt. Og
það er einmitt þetta sem gerist í bók Þórs, enda blasir andúð höf-
undarins á viðfangsefninu við lesandanum allt frá fyrstu blaðsíðu
bókarinnar til hinnar síðustu. Fyrir vikið er fræðilegt gildi bókar-
innar takmarkað, enda stendur hún fyrri verkum Þórs langt að baki.
Sovét-Ísland, óskalandiðminnir á pólitísk réttarhöld yfir andstæð -
ingum, þar sem höfundurinn reynir með öllum ráðum að sanna sekt
sakborningsins og tilkynnir síðan niðurstöðu sína, en hún hljóðar
svona: „Óyggjandi heimildir frá íslenskum kommúnistum og
Komintern sýna að árin 1921–1946 stóð hugur kommúnista til þess
hér að taka völdin með byltingu — annaðhvort í einu vetfangi eða í
áföngum með stuðningi Sovétríkjanna.“126 En í ljósi þeirra vinnu-
bragða sem Þór beitir til að sanna mál sitt, hlýtur dómsorðið að
hljóða svo: Íslenskir kommúnistar og sósíalistar. Þið hafið verið
fundnir sekir um landráð vegna þátttöku í samsæri, sem talið er að
framið hafi verið á Íslandi á árunum 1921–1946.
Viðauki I
[Framkvæmdastjórn Komintern (EKKI) til
Kommúnistaflokks Íslands, 23. nóvember 1931]
Trúnaðarmál
Kommúnistaflokkur Íslands
Stjórnmálaráð (Politsekretariat) framkvæmdastjórnar Alþjóðasambands
kommúnista (EKKI) ákvað á fundi sínum hinn … XI. 1931 að skrifa
miðstjórn Kommúnistaflokks Íslands trúnaðarbréf þar sem fjallað verður
um starfsemi flokksins fram að þessu og nákvæmlega um næstu verkefni
flokksins.
Kommúnistaflokkur Íslands var stofnaður fyrir einu ári úr brotum fyrr-
verandi vinstri vængs Alþýðuflokksins, sem árum saman hafa innan ramma
þess flokks barist fyrir framkvæmd stéttabaráttustjórnmála. Hinn nýstofnaði
flokkur var tekinn inn í alþjóðasambandið á 11. þingi (eða fundi) fram-
fimmta herdeildin 191
126 Þór Whitehead, Sovét-Ísland, óskalandið, bls. 429.
Saga haust 2011 NOTA_Saga haust 2004 - NOTA 11/24/11 9:52 AM Page 191