Saga - 2011, Page 250

áhrif þeirra á málefni Íslands. Liggja nú fyrir handrit um langflesta
konunga, en mikil ritstjórnarvinna bíður verksins í heild. Loks má
nefna að Hrefna Róbertsdóttir sagnfræðingur kom nýlega að máli
við stjórn félagsins og lýsti yfir áhuga á að ljúka útgáfu Lands -
nefndarskjala. Núverandi stjórn tók vel í það, enda hið mesta þarfa-
verk, en gat þó ekki lofað neinu.
Svo sem lesa má í fyrri skýrslum stjórnar hefur núverandi stjórn
Sögufélags lengi haft áhuga á rafrænni útgáfu ófáanlegra rita
Sögufélags. Nú hefur Landsbókasafn Íslands – Háskólabókasafn
hannað leitarforritið bækur.is, sem er svipað og timarit.is. Þar verða
skönnuð inn elstu rit Sögufélags á næstunni og er krækjuna að finna
á heimasíðu Sögufélags. Áður hefur stjórnin gefið Handritadeild
Landsbókasafns leyfi til að opna fyrir aðgang að Sögu til ársins 1980
á timarit.is.
Sögufélag hefur lengi séð um dreifingu fyrir Þjóðvinafélagið.
Hér er um að ræða Almanak Hins íslenska þjóðvinafélags, sem Heimir
Þorleifsson hefur lengi haft umsjón með, og Andvara, sem Gunnar
Stefánsson ritstýrir. Eitt hefti helgað Jóni Sigurðssyni hefur þegar
komið út og annað er væntanlegt.
Fjármál Sögufélags. Í litlu samfélagi er menningar- og fræðastarf-
semi af því tagi sem Sögufélag stundar útilokuð án utanaðkomandi
styrkja. Líkt og á flestum sviðum þjóðfélagsins hefur fjármálakrepp-
an komið niður á starfsemi félagsins. Áður fyrr hlaut félagið styrki
frá ýmsum fjármálastofnunum og stórfyrirtækjum. Félags gjöldin eru
eina fasta tekjulind Sögufélags. Því er sá fjárstuðningur sem Alþingi
veitir Sögufélagi til útgáfu rita á sviði sagnfræði ómetanlegur. Án
hans væri ekki hægt að reka starfsemina. Verður að segja að alþingis-
menn hafi góðan skilning á starfsemi Sögufélags. Sótt var um 3 millj-
ónir á síðastliðnu ári og úthlutunin var 2,5 milljónir. Það verður að
teljast góður árangur miðað við aðstæður í þjóðfélaginu. Þá má nefna
að umsóknir Sögufélags í Bókmenntasjóð hafa ávallt borið árangur.
Eins og boðað var á síðasta aðalfundi var samningur gerður við
ReykjavíkurAkademíuna um bókhaldsumsjón félagsins. Bókhald
Sögufélags tók þar með róttækum og löngu tímabærum breytingum
og er nú rafrænt með lager í birgðabókhaldi. Hefur Sólveig Ólafs-
dóttir, sagnfræðingur og framkvæmdastjóri ReykjavíkurAkademí -
unnar, borið hitann og þungann af þeirri miklu og tímafreku vinnu,
með dyggri aðstoð Ólafs Hrafns Júlíussonar og Jóns H. Skúlasonar
endurskoðanda. Búist er við frekari samvinnu ReykjavíkurAkademíu
og Sögufélags í framtíðinni.
af aðalfundi sögufélags 2011250
Saga haust 2011 NOTA_Saga haust 2004 - NOTA 11/24/11 9:52 AM Page 250