Saga - 2011, Síða 251

Í sambandi við fjármál Sögufélags hefur stjórn félagsins mikið
rætt um hús þess. Til upprifjunar má nefna að félagið keypti húsið
af Reykjavíkurborg árið 1991. Áður hafði umhverfismálaráð Reykja -
víkur lagt til að húsið yrði friðað til að varðveita götumynd við
Fischersund. Austurendi hússins, sem hýsir nú fundarsal félagsins,
var byggður árið 1894. Þar sem nú er gengið inn í húsið var áður
skemma, sem reist var við Norska bakaríið árið 1878 en var svo
breytt í kökubúð árið 1901. Þriðja hluta hússins var síðan bætt við
um miðja 20. öld. Félagið á húsið skuldlaust. Ef nauðsyn krefur er
hægt að taka lán til að halda starfsemi félagsins gangandi. Einnig
hefur verið ræddur sá möguleiki að leigja húsið og flytja starfsemi
félagsins í ódýrara húsnæði, en það hefur verið talið neyðarúrræði.
Einn fræðimaður hefur leigt skrifstofuaðstöðu í húsinu og félags-
fundir ýmissa félaga eru haldnir í því á kvöldin.
Starfsmannamál. Miklar breytingar hafa átt sér stað í starfsmanna -
málum félagsins. Aðaltíðindin eru þau að Ragnheiður Þorláksdóttir
lét af störfum að eigin ósk fyrr á árinu eftir 37 ára starf hjá félaginu.
Gerður var verðskuldaður starfslokasamningur við hana. Við þökk-
um Ragnheiði innilega fyrir hennar mikla starf í þágu félagsins. Ég
held að það megi segja að hún hafi þekkt hvern einasta félagsmann
og verið persónugervingur félagsins. Í hennar stað var fyrst ráðin
Íris Ellenberger, doktorsnemi í sagnfræði. Íris vann fyrir Sögufélag í
nokkra mánuði þar til hún þurfti að hverfa að öðru. Nú hefur verið
ráðinn nýr framkvæmdastjóri, Ólöf Dagný Óskarsdóttir. Hún á bæði
að annast dagleg störf félagsins og sinna ýmsum öðrum verkefnum.
Ólöf Dagný hefur nýlega lokið meistaraprófi í stjórnmálafræði frá
Háskóla Íslands og hefur sérhæft sig í starfsemi frjálsra félagssam-
taka, opinberri stjórnsýslu og stjórnun. Prófritgerð hennar er sögu-
legs efnis og fjallar meðal annars um starfsemi íslenskra fræðafélaga
á nítjándu og fram á tuttugustu öld. Ólöf Dagný býr að víðtækri
reynslu og þekkingu á útgáfustörfum, sem og á kynningu, sölu og
dreifingu fræðirita, en hún hefur um árabil starfað hjá Hinu íslenska
bókmenntafélagi.
Auk þeirra breytinga sem að framan var getið hefur núverandi
stjórn tekið á ýmsum öðrum málefnum Sögufélags. Þær eru ófáar
stundirnar sem stjórnin hefur varið á lagernum ásamt nokkrum
sagnfræðinemum. Á þessu ári var Kristbjörn Helgi Björnsson sagn -
fræðingur ráðinn til að telja allar bækur í eigu Sögufélags. Er því
verki lokið og óhætt að segja að upplag sumra bóka sé nokkuð stórt,
og er það þörf áminning um að fara varlega í að áætla fjölda eintaka
af aðalfundi sögufélags 2011 251
Saga haust 2011 NOTA_Saga haust 2004 - NOTA 11/24/11 9:52 AM Page 251