Saga - 2011, Qupperneq 252

sem prenta skal í framtíðinni. Er lagerinn metinn hátt á fjórðu millj-
ón króna, en þær tvær útsölur sem hafa verið haldnar í húsnæði
Sögufélags í minni forsetatíð hafa ekki skilað nægilega miklu. Í
tengslum við útskriftir á árinu voru send sérstök útskriftartilboð til
háskóla landsins, en fáir nýttu sér þau. Er næsta stjórn félagsins
hvött til að senda bækur á bókamarkaðinn í Perlunni á nýju ári.
Skjalasafn Sögufélags var afhent Þjóðskjalsafni Íslands til varð -
veislu. Ólafur Arnar Sveinsson sagnfræðingur var ráðinn til að
flokka skjölin. Því starfi er nú lokið. Fundargerðir eru nú varðveitt-
ar með því að prenta út eitt eintak á sérstökum skjalapappír.
Ólafur Rastrick hefur haft umsjón með heimasíðunni, en þar sem
hann hefur beðist undan stjórnarkjöri tekur Ólöf Dagný við því
verkefni. Það skiptir miklu máli fyrir félag eins og Sögufélag að
halda úti góðri heimasíðu. Loks vil ég nefna að fjórða Íslenska
söguþingið verður haldið á næsta ári. Fulltrúi Sögufélags í undir-
búningshópnum er Guðbrandur Benediktsson sagnfræðingur.
Margt er á döfinni hjá Sögufélagi og hvetjum við alla sagn -
fræðinga til að leggja sitt af mörkum til þess að þetta gamalgróna
útgáfufélag okkar megi standa traustum fótum til framtíðar. Nú er
tími til kominn að fela nýrri kynslóð stjórn félagsins. Það hefur verið
mér mikill heiður að vera forseti Sögufélags; annasamt starf en jafn-
framt ánægjulegt, fyrst og fremst vegna alls hins góða fólks sem ég
hef verið svo lánsöm að fá að starfa með. Á þessum tímamótum er
engin ástæða til annars en að horfa björtum augum til framtíðarinn-
ar og vænti ég þess að útgáfustarfsemi Sögufélags verði áfram
blómleg og sagnfræðinni í landinu til framdráttar.
Anna Agnarsdóttir
af aðalfundi sögufélags 2011252
Saga haust 2011 NOTA_Saga haust 2004 - NOTA 11/24/11 9:52 AM Page 252