Jökull - 01.01.2001, Síða 114

Páll Theodórsson
Þegar hlé var á boruninni, eins og nú var, gafst betri
tími til að sinna ýmsum verkefnum sem unnin voru
samhliða henni. Með grunnbor voru teknar allmarg-
ar 10-15 metra holur víða á Bárðarbungu til að finna
þykkt síðustu árlaga og til að mæla hitaþversnið í hol-
unum, en það sýndi hvernig leysingarvatn á meginþátt
í að eyða frosti í hjarninu. Meðal hliðarverkefna voru
ýmsar veðurfarslegar athuganir sem Helgi Björnsson
vann að. Þess má geta að bandarískur jöklafræðing-
ur frá CREEL og kona hans dvöldust hjá okkur við
rannsóknir í tvær vikur.
Séð niður í borgryfjuna. Bragi Árnason stjórnar bor-
uninni en Gunnar Guðmundsson, efnaverkfræðingur
er að skrá lýsingu á nýfengnum kjarna, sem liggur á
ljósaborði. – The drilling site. Bragi Árnason oversees
the drilling while another person logs the recently
retrieved core. Ljósm./Photo. Jón Örn Bjarnason.
Snjómokstur var annað tímafrekasta starf okkar á
jöklinum, enda var veður rysjótt þetta sumar. Í snjó-
komu og skafrenningi hlóðst iðulega mikill snjór á
borsvæðið. Þakið yfir borgyfjunni þoldi ekki mikinn
þunga og þurfti því stöðugt að verja það. Margvísleg-
ur búnaður, sem lá kringum eldhússkálann, gat horfið
undir fönn á undraskömmum tíma og eitt sinn fóru
jafnvel stór jöklatjöld nærri á kaf á einni nóttu.
Við Bragi erum hér að ganga frá tengingu CREEL
kapalsins við borinn. – The author and Bragi
Árnason connecting the CREEL cable to the drill.
Ljósm./Photo. Jón Örn Bjarnason.
114 JÖKULL No. 50