Jökull - 01.01.2001, Blaðsíða 143

Jöklarannsóknafélag Íslands
sprungur og ganga á Vesturlandi, Gígjukvíslarfar-
veginn og breytingar á honum í hlaupinu 1996, um
sanda og aura framan við Kötlujökul, byggingu Surts-
eyjar og minningargrein um Ragnar Stefánsson auk
fastra liða. Áslaug Geirsdóttir og Bryndís Brandsdótt-
ir höfðu á hendi faglega ritstjórn auk þess sem Bryn-
dís vann hluta umbrots og sá um samskipti við prent-
smiðju að mestu. Vinna við 48. og 49. árgang er langt
komin. Enn er stefnt að því að 50. árgangur Jökuls
koma út nú á afmælisárinu 2000.
FRÉTTABRÉF
Oddur Sigurðsson varaformaður félagsins sá um út-
gáfu fréttabréfsins eins og undanfarin ár. Fimm frétta-
bréf komu út á árinu.
SUMARFERÐ
Sumarferðin var farin 10.-11. júlí og var fjölmenn og
góðmenn, því þátttakendur voru milli 40 og 50. Þrátt
fyrir góða veðurspá varð það hlutskipti hópsins að
halda til í og við hinn góða skála Miðdal, hús Magnús-
ar Hallgrímssonar, í þoku og súld. Lítið sást af dýrð
Tindfjalla en fólk lét það ekki spilla ferðagleðinni.
Höfðu margir við orð að fara sem fyrst á þessar slóðir
aftur sjá þá hvernig umhorfs er á svæðinu.
ÁRSHÁTÍÐ
Árshátíð félagsins var haldin í Golfskálanum við
Grafarholt 19. nóvember og sóttu hana yfir 70 manns.
Þótti hún takast með miklum ágætum. Skemmtinefnd-
in sá um árshátíðina og þótti standa sig með mikilli
prýði. Snemma árs stóð nefndin fyrir bjórkvöldi í ris-
inu á Mörkinni 6 og náðist með því að eyða hallanum
á árshátíðinni 1998. Lögðu margir velunnarar sig alla
fram við að rétta af fjárhag skemmtinefndar.
SKÁLAMÁL
Töluvert var um að vera í skálamálum á árinu. Ekki
byrjaði það þó vel, því í ofviðri í mars fauk Esjufjalla-
skáli af grunninum og brotnaði í spón, eftir 22 ára vist
í Skálabjörgum. Skálanefnd stóð fyrir könnunarferð
um páska en ekki tókst að koma á hreinsunarferð eins
og til stóð síðastliðið sumar. Einnig bar það við síðast-
liðinn vetur að smávægilegar skemmdir urðu á gamla
skálanum í Jökulheimum vegna elds. Í vorferðinni
vann smíðaflokkur undir stjórn Sverris skálanefndar-
formanns að stækkun á gamla skálanum á Grímsfjalli.
Byggt var nýtt andyri á húsið, og útihurðin færð á
austurgaflinn. Jafnframt var gamla forstofan rifin og
sett upp lokað herbergi fyrir mælitæki í vesturenda
hússins. Hefur nú aðstaða fyrir rannsóknatæki stór-
batnað. Í ljósi þess hve mikilvægt er að halda uppi
eftirliti með Grímsvatnasvæðinu styrkti Vegagerðin
þessar endurbætur á húsinu. Síðastliðið sumar voru
einnig settar upp tvær nýjar gufurafstöðvar í gamla
skálanum. Byrjunarörðugleikar hafa hrjáð stöðvarnar
en búist er við að komist verði fyrir þá næsta sumar.
Vegna framkvæmda á Grímsfjalli og áfallsins í Esju-
fjöllum var ákveðið að fresta hugmyndum um stór-
felldar endurbætur á nýja skálanum í Jökulheimum.
BÍLAMÁL
Dodge bifreið félagsins var notuð í þremur rannsókn-
arferðum félagsins í Grímsvötn og skjálftamælinga-
ferð á Vatnajökul í júlí, auk nokkurra annarra ferða,
m.a. fyrir skálanefnd. Nokkrar bilanir urðu á bílnum á
árinu, en á það er að horfa að þrátt fyrir mjög þunga
notkun á árinu 1998 urðu bilanir það ár litlar. Álag
á bílinn í jöklaferðum er mjög mikið, bæði getur færi
verið þungt og hleðsla oft mikil. Því er það mat stjórn-
ar að gagnsemi bílsins geri mun meira en vega upp
á móti kostnaði við hann. Bílanefnd hefur velt fyrir
sér valkostum þegar kemur að endurnýjun, en líkleg-
ast er að félagið muni eiga þennan bíl allra næstu ár-
in. Snjóbíllinn Jaki hefur ekki verið ökufær síðustu 3
ár og engin áform uppi að nota hann meira í ferðum
félagsins. Því var honum komið fyrir í vörslu Einars
Brynjólfssonar í Götu og mun hann að líkindum eyða
ævikvöldinu þar innan um aðra sína líka.
Bombardier snjóbíll félagsins var í sumar gefinn
til Hornafjarðar, til varðveislu og sýningar í væntan-
legu jöklasafni. Var mikil ánægja meðal ráðamanna
Hornafjarðar með þennan fyrsta safngrip sem gefinn
var beint til jöklasafns. Mun Bombinn því vonandi
um ókominn ár standa sem verðugur minnisvarði um
ferðamáta 30–40 ára tímabils á Vatnajökli, þegar jök-
ullinn var kannaður af frumherjum félags vors.
JÖKULL No. 50 143