Jökull - 01.01.2001, Blaðsíða 147

Jöklarannsóknafélag Íslands – vorferð
Við lónið vestan gosstöðvanna. Í baksýn er norðurveggur Grímsfjalls, skorinn af berggöngum. – By the lake
in Grímsvötn. Several dykes cut the caldera wall seen in the background. Ljósm./Photo: Magnús Tumi Guð-
mundsson.
3. Unnið var við sjálfvirka rannsóknastöð á Gríms-
fjalli. Í fyrsta lagi var sett upp sendiloftnet fyrir jarð-
skjálftamæli Veðurstofunnar, í öðru lagi var sett upp
sjálfvirk veðurstöð sem rekin var yfir sumarið, og í
þriðja lagi var unnið að lagfæringum og endurbótum
á gufurafstöðvum.
4. Gerð var GPS landmæling á Grímsfjalli, Jökul-
heimum og Hamrinum til að fylgjast með landrisi
og sigi. Mælingarnar sýna að Grímsfjall rís nú hægt
og bítandi vegna innstreymis kviku í kvikuhólf undir
vötnunum.
5. Grímsvötn og nágrenni var kortlagt með DGPS
sniðmælingum. Er þannig fylgst með ísbráðnun og
jarðhitabreytingum með samanburði við mælingar frá
í fyrra. Sýna mælingarnar að ísstíflan heldur áfram að
þynnast og lækka vegna aukins jarðhita undir Gríms-
fjalli norðaustanverðu.
6. Settar voru upp stikur til að mæla ísskrið í Gríms-
vötnum, og við útfallið út úr vötnunum.
7. Gerðar voru DGPS sniðmælingar í Gjálp og mæl-
ingar á ísskriði. Þessar mælingar eru liður í rannsókn
á viðbrögðum Vatnajökuls við breytingum sem fylgdu
Gjálpargosinu 1996, auk þess sem með þeim fæst mat
á varmaafli Gjálpar.
8. Þyngdarmælingar og íssjármælingar voru gerðar í
Gjálp til að kanna lögun hins nýja fjalls. Mælingar
voru gerðar 1997 og 1998 en nú var bætt nokkru við
til að hnýta lausa enda.
LOKAORÐ
Ferðin nú var ánægjuleg og árangursrík. Allir þáttt-
endur stóðu sig með prýði enda vantaði ekki vinn-
ugleði og ósérhlífni í þessa ferð frekar en endranær.
Landsvirkjun studdi leiðangurinn með því að leggja til
snjóbíl sinn og Vegagerðin veitti styrk til eldsneytis-
kaupa.
JÖKULL No. 50 147