Jökull - 01.01.2001, Blaðsíða 122

Elín Pálmadóttir
Tjöldin tekin upp vestur undir Esjufjallarana eftir óveður. Þar lágu menn í þéttri röð í jöklafélagstjöldunum
samtengdum á túðunum. Útimenn einir mokuðu frá og tæmdu koppinn. – Breaking camp after a storm by
Esjufjallarani. These tents were specially made for the Glaciological Society. Ljósm./ Photo. Elín Pálmadóttir,
1959.
fram af jöklinum, og skáluðum svo árangurslaust í 17
stiga gaddi í kampavíni yfir Kötlu til að mana hana. Á
heimleið með þrjá snjóbíla aftan á dráttarvagni kom
hann við brúarstólpa og öxull brotnaði svo aftanívagn-
inn féll niður með öllu saman. Ég hafði setið á milli
Harðar og Gunnars í dráttarbílnum, en hin farin á und-
an. Þarna horfði ég nú á þessa tvo menn aka tveimur
snjóbílunum aftur af og lyfta svo pallinum með þeim
þriðja í nokkrum áföngum tveir einir og skipta um
öxulinn, algerlega samstillta og svo að segja án þess
að segja orð. Lagnin og útsjónarsemin var alveg ótrú-
leg.
Ekki ætla ég að rekja hér frekar fyrstu ferðina
sem kveikti svo í mér ást á jöklum að ekki hefur af
mér runnið síðan.Var þetta upphafið að 40 ára mis-
jafnlega tryggri sambúð við þennan ágæta, glaða og
víllausa félagsskap og að óviðjafnanlegum stundum á
jökli. Aðeins draga upp nokkrar smámyndir. Jöklafar-
ar höfðu aldrei fengið verra veður í vorleiðöngrum
fram að 1959. Að störfum loknum á Grímsfjalli var
rokið af stað í snjóbílnunum Gosa og Gusa áleiðis
á Hvannadalshnjúk. Vestan undir Esjufjallarana skall
á kafaldshríð svo varð að tjalda, binda jöklatjöldin
við snjóbílana og tengja þau saman á túðunum í eina
lengju. Þar lá mannskapurinn í þéttri röð og var ekki
hleypt út til að bera ekki inn bleytuna, nema þeir sem
áttu skyldustörfum að gegna, moka frá tjöldunum eða
skvetta úr koppnum. Þær ASIS konur höfðu haft þá
forsjálni að taka með sér á jökul plastkopp sem nú
kom sér vel. Af þessu tilefni varð til frumsamið ljóð
Sigurðar Þórarinssonar með viðlaginu: Stúlkur, elsku
stúlkur, drekkið þið ekki meir! Sjálf átti ég eldhús-
vakt með Ólínu minnir mig. Við stóðum í eldhústjald-
inu í gufubaði og fisklykt við að bræða snjó þar til
122 JÖKULL No. 50