Breiðfirðingur - 01.04.1954, Page 76
Edduslysið á Grundarfirði
16. nóv. 1953
Lengi hafa íslendingar háð harða baráttu við Ægi kon-
ung. Og margar eru þær fórnir og stórar, sem færðar hafa
verið á altari karlmennsku og dáða í þeim fangbrögðum.
Oft hefur Breiðifjörður boðið hetjum Islands votan faðm.
Það eru fleiri en afreksmennið, Eggert Ölafsson, sem þar
hafa goldið örlögum sína hinztu skuld við móður jörð.
Eitt hinna átakanlegustu slysa, sem orðið hafa á síðustu
árum við strendur íslands, varð, þegar m.s. Edda frá Hafn-
arfirði sökk á Grundarfirði aðfaranótt hins 16. nóv. 1953.
Þar fórust níu ungir og röskir menn, flestir frá Hafnar-
firði, en átta komust lífs af eftir 7 stunda hrakning í roki
og náttmyrkri á litlum, stjórnlausum báti innan um brim
og boða.
Þessir menn fórust:
Sigurión M. Guðmundsson, 1. vélstjóri, Austurgötu 19,
Hafnarfirði. F. 20. marz 1919.
Sigurður Guðmundsson, 2. vélstj., Vesturbraut 1. Hafn-
arfirði. F. 23. okt. 1923.
Jósep Guðmundsson, háseti, Vesturbraut 1, Hafnarfi’-ði.
F. 13. júní 1934. — Sigurður og Jósep voru bræður,
ættaðir frá Norðfirði.
Albert Egilsson, háseti, Selvogsgötu 14, Hafnarfirði.
F. 13. júní 1923.
Einar Kr. Ólafsson, háseti, Skeliabergi, Sandgerði. Ætt-
aður frá ísafirði. F. 18. des. 1933.