Breiðfirðingur - 01.04.1954, Qupperneq 106

Um Krýsuvík og Þingvöll
Það er 17. júlí 1949. í dag ætla ég að slást í för með
Ferðafélagi Islands í fyrsta skipti á ævinni. Ferðinni er
heitið austur. Við eigum að fá að sjá m.a. Krýsuvík, Selvog,
Þorlákshöfn og Hveragerði. Heimleiðis skal svo ekið upp
Grímsnes eða Grafning, um Þingvöll og Mosfellsheiði og
komið til Reykjavíkur um kvöldið.
■— Hærra er nú ekki risið á þessu fyrsta ferðalagi mínu
með Ferðafélaginu. —•
Bílarnir standa við Austurvöll austanverðan, gegnt Hótel
Borg.
Ferðafólkið safnast saman á gangstéttinni. — Þar tekur
fararstjórinn, Kristján Skagfjörð á móti því, og vísar á bíl-
ana. Auk fararstjórans kannast ég við nokkra ferðafélag-
anna, t.d. þá bræðurna, Sigurð og Júlíus Níelssyni og Svein
frá Djúpadal, allt gamla og trausta Breiðfirðinga.
Eg sting mér inn í einn bílinn, og tek mér sæti við glugga.
Hinumegin á götunni, við dyrnar á Borginni stendur
hópur manna ferðbúinn. Það eru fyrirmannlegir menn, vel
í skinn komnir og eiga áreiðanlega mikið undir sér. Þeir
reykja flestir pípu og blása þykkum reykjarsúlum út í svalt
morgunloftið. Einn þeirra félaga hefur einkennilegan sið:
Þegar hann hefur sogið nokkra reyki úr pípunni sinni, þá
lyftir hann upp öðrum fætinum og slær pípukongnum við
hælinn á skónum sínum. Þetta gerir hann eflaust til þess að
ná úr honum öskunni. Hann kærir sig auðsjáanlega ekkert
um öskuryk ofan í sig, maðurinn sá. Hann virðist líka vera
hátt settur í hópnum. Þegar hann ók svarta bílnum sinum í