Breiðfirðingur - 01.04.1957, Qupperneq 7

BREIÐFIRÐINGUR
5
um í klof og jafnvel meir. Menn og skepnur voru því
þyngslaleg til gangs, þegar yfir um var komið, en þá tók við
ein erfiðasta brekkan á leiðinni upp á Hestakleif, en svo
nefnist fjallið milli ísafjarðar og Mjóafjarðar. Fjallið er
stutt þarna yfir og halli jafn niður að bæjum Mjóafjarðar.
Þar var gist fyrstu nóttina á bæ, sem heitir Botn. Þar
bjuggu hjónin Bjarni Þorláksson og Elín Guðmundsdóttir.
Var gott þangað að koma eftir langa og erfiða dagleið.
Snemma næsta morgun var haldið af stað frá Botni, og
var þá rekið upp á svonefnda Skötufjarðarheiði. Heiðin er
ekki mjög há og því ekki mjög erfiður rekstur upp á hana.
Vegur er þar enginn, fyrr en kemur norður á hana miðja,
að götuslóði kemur og liggur Mjóafjarðarmegin ofan í Hey-
dal, en hins vegar í Skötufjörð, sömu leið og ferð okkar
lá í þetta sinn. Engin not höfðum við af vegi þessum, til
þess að féð gengi liðugra, því að þetta var aðeins götuslóði,
sem aldrei hafði verið tekinn úr steinn í langan tíma. Bær-
inn, sem við komum að í Skötufirði, þegar ofan af heiðinni
kom, heitir Borg. Gistum við þar sum haustin og svo var í
þetta sinn. Um tvær leiðir var að velja úr Skötufirði. Onn-
ur var styttri, en mörgum sinnum verri, og hana ætluðum
við að fara morguninn eftir.
Að morgni um birtingu var farið frá Borg og féð tekið
úr skilarétt, sem það hafði verið geymt í um nóttina. Hófst
ferðin á því að reka það yfir á, sem var á sund á fénu, því
að mikið hafði rignt um nóttina. Gekk okkur erfiðlega að
koma fénu út í. A þessi tók okkur rekstramönnunum í buxna-
streng, og var það slæmur undirbúningur undir þá leið,
sem fyrir höndum var. Þegar búið var að láta féð hrista sig
og bíta nokkurn tíma, var lagt af stað upp lága fjallshlíð.
Hlíð þessi er kölluð Almenningar; ekki er mér kunnugt,
hvers vegna þetta nafn er á henni. Enginn götuslóði var til
þess að létta fénu ganginn, heldur var hlíðin skógi vaxin