Breiðfirðingur - 01.04.1957, Blaðsíða 34

Eggert Eggertsson frá Bíldsey
Hinn 14. janúar lézt í Reykjavík Eggert Eggertsson fyrrum
bóndi í Bíldsey á Breiðafirði. Lét þar úr höfn góður drengur
og vinmargur. Mér reyndist hann tryggur vinur og nábúi
í 15 ár. Hann neitaði aldrei um neina bón, ef hann gat úr
bætt. Og marga gleðistund hef ég lifað á heimili þeirra
hjóna, Kristínar Guðmundsdóttur og Eggerts Eggertssonar.
Eggert var maður glaðvær, bæði á heimili og í vinahópi,
þar sem mannfagnaður var. En eitt var tilskilið, ef hann
átti að njóta sín: Það var, að nokkurs hófs væri gætt. Vínguð-
inum var hann fremur fráhverfur. Gat þó glaðzt með mönn-
um, sem höfðu vín um hönd með nokkurri hófsemi. Klúrt
orðbragð og ruddaskap í neinni mynd gat hann aldrei þolað.
Minni hafði hann mjög gott og var fróður í persónu-
sögu, mundi fæðingarár og daga margra, merkra manna,
prófeinkunnir þeirra í skóla, hnittileg tilsvör og fleira.
Andlegum málum sinnti hann talsvert og var sannfærður
spíritisti, enda hafði hann dulreynslu talsverða. Um þá
hlið á lífi Eggerts veit ég minna. Það var eins og hann
sýndi mér þar dálitla tortryggni, þótti ég víst of vantrúaður.
Á veraldlegan mælikvarða var hann góður þegn og var
með hinum hærri gjaldendum í bændastétt hér í hreppi,
þótt hann byggi á litlu ábýli, þar sem aldrei höfðu setið
neinir ríkismenn. Hann var enginn atorkumaður við líkam-
lega vinnu, en var þó efnabóndi. Ber það fagran vott um
hyggindi hans og ráðdeild. Hann stundaði aðeins landbúnað,