Breiðfirðingur - 01.04.1957, Blaðsíða 71

BREIÐFIRÐINGUR
69
seinna vænna að skrásetja staðinn, þar sem selið stóð. —
Ánum frá seli þessu hefur verið haldið til haga á Vatnsdal.
Undarlegt má vera, ef Drápuhlíð hefur ekki haft selstöð á
Hraundal, þar sem jörðin átti mikið og kostaríkt fjalland.
En engin merki til þess hafa fundizt. Hins vegar hefur
lögskilarétt staðið þar lengi á tveim stöðum. Sú eldri er víða
sokkin í jörð. Hin stendur furðu vel enn.
Oddnýjarsel: — Selið stendur lítinn spöl í norður frá
austurenda Seljafells og vestan undir syðsta enda Þorleifs-
staðaholts á litlum grasbletti. Tólftirnar halda sér mjög vel
enda eru þær á skjólgóðum stað. Þetta eru 3 tóftir í röð,
sambyggðar á göflum. Syðsta tóftin er að stærð 5.60x50 m.
Miðtóft 4.30x2.40 m. Nyrzta tóft 2.40x240 m. Dyr á syðstu
tóft við norðurgafl í vestur. Innangengt virðist hafa verið
milli mið og nyrztu tóftar, en útidyr úr henni í vestur. Um
það bil 70—80 m. í landsuður frá selinu er lítið hamrakast.
Norðan undir því hafa kvíarnar verið, byggðar úr grjóti,
en nú gjörfallnar. Á stöku stað vottar þó fyrir hleðslu.
Lengd þeirra gæti hafa verið um 8 m. — Þótt sel þetta
standi í Drápuhlíðarlandi er sennilegt, að það hafi tilheyrt
jörðinni Saurum. Því til sönnunar má benda á, að í máldaga-
skrá fyrir Helgafell frá 1250 stendur svo: „Með Saura-
landi er mánaðarbeit í Hlíðarland 8 kúm og 80 ásauðar,
og skal sitjá að, upp um Seljabrún og um Vatnsdal, til götu
þeirrar er upp liggur á háls“. Nafnið á selinu gæti hafa
verið dregið af selráðskonu eða einsetukonu sem þar hefði
búið.
Helgafellssel undir Valsbjörgum. — Það er vitað með
vissu, að Helgafell átti stórt og kostaríkt selland allt um-
hverfis Valsbjörg. Enginn veit nú, hvar selið stóð, en lík-
legt er, að það hafi staðið á þeim stað, sem bærinn í Vals-
björgum var settur, þegar sellandið var löngu síðar gert
að sjálfstæðri kirkjujörð. Sennilega má telja að Þórólfur