Breiðfirðingur - 01.04.1957, Blaðsíða 16

Brot úr ævisögu Vestur-íslendings
Ég hef verið beðinn að skrifa fáeinar línur um eitthvað
af því, sem á dagana hefur drifið, síðan ég fór frá Islandi
haustið 1892 með skipi, sem ég hafði verið á til fiskiveiða
fyrir strönd íslands það sumar. Nafn skipsins var Patreks-
fjörður, eign Chr. Grams stórkaupmanns í Kaupmannahöfn,
sem líka hafði verzlun í Stykkishólmi og á Þingeyri við
Dýrafjörð. Þegar fiskiveiðar voru endaðar snemma í sept-
ember, sigldum við til Stykkishólms, og þá kapteinn Hall-
grímsson þurfti 1 mann til að hafa fulla áhöfn, bað hann
mig að fara með honum. Þetta gjörði ég. Þá tókum við
fullan farm af íslenzkum vörum, sem átti að fara til
Liverpool á Englandi, og eftir það tókum við farm af ýms-
um vörum til Stykkishólms og komum þar í byrjun nóvem-
ber. Þegar við vorum búnir að losa farminn, tókum við
aftur farm af íslenzkum vörum til Kaupmannahafnar, 14.
nóv. vorum við klárir til að sigla, en veðrið var heldur
ískyggilegt, svo að við fórum aðeins til Elliðaeyjar, hvar
við vorum til næsta morguns, en þá léttum við akkerum
og sigldum út Breiðafjörð. Þessi ferð gekk vel og eftir
16 daga náðum við til Kaupmannahafnar, hvar við mátt-
um bíða tii þess við gátum komizt að bryggjunni. Næsta
dag var áhöfnin afskráð. Allir höfðu heimili að koma til,
en ég varð að taka íbúð á sjómannaheimili. Það fór vel
um mig þar. Ég hélt áfram siglingum í 4 ár frá Dan-
mörku, þar á meðal tvær ferðir til Grænlands. Var ráð-
inn sjómaður á norsku seglskipi og var í siglingum frá
Noregi meira en 1 ár. Varð síðan leiður af siglingum og