Breiðfirðingur - 01.04.1957, Blaðsíða 70

68
BREIÐFIRÐINGUR
upp með hraunbrúninni og norður af svonefndum Stóra-
hvammi, eru fornar seltóftir. Selið er byggt að mestu leyti
úr torfi. Húsaskipan er þannig: Ein tóft 5x3 m. — Sunnan
við þessa tóft er önnur tóft 2.70x2 m. að stærð. Sami milli-
veggur er undir báðum tóftunum og sérstakur inngangur
hefur verið í hvora tóft. Skammt vestan við stærri tóftina,
er ein tóft 2.60x2 m. að stærð. Lítið eitt sunnar er kvíatóft,
byggð úr hraungrjóti, að lengd 10.40 m. og með venjulegri
kvíabreidd. Aðrar kvíar eru 60—80 m. austur frá Selinu,
6x2 m. að stærð, einnig byggðar úr hraungrjóti. Báðar kví-
arnar virðast vera frá sama tíma. Og báðar eru þær komnar
að því að hverfa niður í jarðveginn. Nokkra athygli þar til
þess að veita þeim eftirtekt, þó að um þær sé gengið. Annars
virðast þessar kvíar vera frá svipuðum tíma sem eldri kví-
arnar á neðra selinu. Seltóftirnar hér eru og allmikið form-
legri en þær yngri á neðra selinu. En þetta getur að nokkru
leyti stafað af því, að hér er jarðvegur moldar meiri og
mýkri. Suður frá minni kvíunum er allstór fjárrétt, mjög
gömul og fornleg, byggð úr hraungrjóti. Alllangur garður
úr sama efni hefur verið byggður þar til aðhalds fjár við
innrekstur. Allt er þetta svo fornlegt, að nokkra nákvæmni
þarf við að hafa til að veita því eftirtekt.
Um selstöður á Svelgsá segir jarðabók Á. M. svo: „Sel-
staða hefur þar verið, en er um stundir aflögð“. Má af þessu
ætla, að selstaða hafi haldizt hér fram undir lok 17. aldar.
Til hins sama bendir útlit seltóftanna.
Drápuhlíðarsel: — Austur frá Drápuhlíð er stórt fell,
sem Seljafell heitir. Yestan við það fellur lækur úr Vatnsdals-
vatni, sem Selá heitir. I skjólgóðum hvammi, þar sem Selá
kemur niður úr þrengslunum, stóðu fornar selrústir, austan
lækjarins. Nýlega settu vegagerðarmenn tjaldbúðir sínar
niður á þessum stað, en við það umrót röskuðust selrúst-
irnar svo, að þeirra sér nú þvínær engan stað. Er því ekki