Breiðfirðingur - 01.04.1957, Page 75

BREIÐFIRÐINGUR
73
serkjahraun: „Hagar heima í meðallagi, en góðir í fjalli,
þar sem liggja saman við afrétt annarra manna. Selstaða
í fjalli, nálægt þessum högum.“ Líklegt er, að selið hafi
staðið norðarlega í svonefndum Múla eða þar í írennd.
Að líkindum mætti finna seltóftirnar, ef eftir væri leitað,
þó að hugsanlegt sé, að skriðuföll hafi afmáð þær.
Hraunsháls: — Um selstöðu jarðarinnar greinir svo í
jarðabók A. M.: „Selstöðu má þar brúka með heimajörð-
inni.
Bjarnarhöfn: — Landnáma skýrir frá því, að Björn Aust-
ræni hafði selför upp til Selja. Eftir að það selland var gert
að tveimur sjálfstæðum bújörðum, hefur Bjarnarhöfn vafa-
laust orðið að taka sér nýtt selland. Hvar það hefur verið,
verður síðar ljóst. Engin örnefni munu þó þekkjast, sem
vísa þar leið. Að vísu þekkist örugglega selstaða í landi
Bjarnarhafnar, en hún tilheyrði annarri jörð, og verður
þess getið síðar. Um selstöðu í Bjarnarhöfn greinir jarðab.
A. M. þannig frá: „Selstaða erfið með högum“. — Fjórar
hjáleigur fylgdu Bjarnarhöfn. Þrjár af þeim stóðu á Bjarn-
arhafnartúni, og hafði hver þeirra úrskipt tún. Um selstöðu
hverrar hjáleigu fyrir sig segir jarðabók Á. M. svo: „Sel-
staða með heimajörðinni“. — Enn vantar skýringu á því,
hvar þessi selstaða var. Hana er að finna í sambandi við
fjórðu hjáleiguna hér á eftir. Líklegt er, að selstaða í Bjarn-
arhöfn hafi haldizt út alla 17. öld.
Ámýrar: — Þetta er fjórðahjáleigan frá Bjarnarhöfn.
Um selstöðu þar segir jarðabók A. M. þannig frá: „Hagar
í selstöðu heimajarðarinnar, þar sem hjáleigan stendur.“
Hingað hefur selið verið flutt, er það var lagt niður á Selj-
um. Hér var ágætt selland, því að bjargfugl verpir í fjallinu
þar upp af, og nýtur gróðurinn góðs af því. En selflutningur
hefur verið langur og vondur til Bjarnarhafnar, eða um
IV2 tíma lestagangur hvora leið.