Skírnir - 01.09.2012, Blaðsíða 64

324
SVANTJR KRISTJÁNSSON
SKÍRNIR
Samkvæmt áliti Umboðsmanns Alþingis hafði því sjálfur dóms-
málaráðherra lýðveldisins brotið bæði lög um dómstóla og stjórn-
sýslulög og það með skipun dómara í æðsta dómstól landsins.
Ekki voru heldur öll kurl komin til grafar því að eina konan í
hópi umsækjenda, Hjördís Hákonardóttir, hafði með formlegum
hætti óskað eftir því að kærunefnd jafnréttismála kannaði og tæki
afstöðu til þess hvort dómsmálaráðherra hefði brotið gegn ákvæð-
um laga um jafna stöðu og jafnan rétt kvenna og karla með skipan-
inni. Kærunefndin komst að þeirri niðurstöðu að dómsmálaráð-
herra hefði brotið gegn lögum um jafna stöðu og jafnan rétt kvenna
og karla. Jafnframt taldi kærunefndin að sérstakir kostir Ólafs
Barkar að mati dómsmálaráðherra — meistarapróf í Evrópurétti og
tiltölulega ungur aldur hans miðað við aðra umsækjendur — skiptu
ekki máli vegna þess að Hildur væri hæfari en Ólafur Börkur á
grundvelli hinna lögbundnu skilyrða um embættisgengi hæstarétt-
ardómara (Kærunefnd jafnréttismála 2004).
Árið eftir urðu einnig deilur um skipun dómara við Hæstarétt.
Umsækjendur um stöðu voru þá sjö: Allan Vagn Magnússon
héraðsdómari, Eggert Óskarsson héraðsdómari, Eiríkur Tómasson
prófessor, Hjördís Björk Hákonardóttir dómstjóri, Jón Steinar
Gunnlaugsson prófessor og hæstaréttarlögmaður, Leó Löve hæsta-
réttarlögmaður og Stefán Már Stefánsson prófessor. Samkvæmt til-
lögu setts dómsmálaráðherra, Geirs H. Haarde fjármálaráðherra,
var Jón Steinar Gunnlaugsson skipaður í embættið 29. september
2004.
Að ýmsu leyti voru átökin um skipun Jóns Steinars enn harka-
legri en vegna skipunar Ólafs Barkar. Þau hófust í raun fyrir skipun
Jóns Steinars eins og kom t.d. glögglega fram á fundi laganema við
Háskólann í Reykjavík viku áður. Framsögumenn voru Ástráður
Haraldsson hæstaréttarlögmaður og Birgir Ármannsson alþingis-
maður fyrir Sjálfstæðisflokkinn. Samkvæmt frásögn Morgunblaðs-
ins spáði Ástráður „langvarandi og illskeyttum deilum vegna
væntanlegrar stöðuveitingar í embætti dómara við Hæstarétt.
Stríðið sé þegar hafið þótt nokkrar vikur séu enn þangað til fjár-
málaráðherra skipar í stöðuna. Fórnarlömb þess stríðs verða traust
almennings á stjórnvöldum og dómskerfið. Ástráður leggur til að