Skírnir - 01.09.2012, Blaðsíða 68

328
SVANUR KRISTJÁNSSON
SKÍRNIR
kvæði en Þorgerður þrjú atkvæði fulltrúa Sjálfstæðisflokksins. í
kjölfarið réð settur útvarpsstjóri, Pétur Guðfinnsson, Þorgerði
(„Yfirmenn þriggja framleiðsludeilda ..." 1997).
Ráðning Þorgerðar var mjög gagnrýnd innan Utvarpsins sem
utan. Ekki var það að ástæðulausu því Þorgerður fullnægði ein-
faldlega ekki kröfum í auglýsingu um stöðuna: „Umsækjendur
skulu hafa menntun er nýtist í viðkomandi starfi auk mikillar
reynslu í fjölmiðlun. Æskilegt er að umsækjendur hafi starfað að
stjórnun." Eina reynsla hennar af fjölmiðlum var að starfa um hríð
í hlutastarfi sem fréttaritari Útvarpsins í Þýskalandi. Sömuleiðis var
stjórnunarreynsla hennar af skornum skammti. Þrír umsækjenda
— Jón Ásgeir, Kristín og Óðinn — höfðu öll mikla reynslu að baki
í fjölmiðlum. Kristín hafði verið ritstjóri dægurmáladeildar Ríkis-
útvarpsins og hlotið meirihlutastuðning í útvarpsráði. Því skal hér
fullyrt að ráðning Þorgerðar K. Gunnarsdóttur í stöðu yfirmanns hjá
Ríkisútvarpinu var ekki byggð á málefnalegum sjónarmiðum.
I viðtali sem Dagur-Tíminn átti við Þorgerði var hún m.a. spurð:
„Heldur þú að pólitísk störf hafi haft áhrif á ráðningu þína?“ Hún
svaraði: „Eflaust hafa þau haft einhver áhrif, en ég vil benda á að
þarna var annar umsækjandi (Gústaf Níelsson) sem er fyrrum fram-
kvæmdastjóri þingflokks Sjálfstæðismanna. Þegar ég sótti um renndi
ég blint í sjóinn, ég ákvað að sækja um og síðan fór maður að athuga
gang mála. En ég fékk allan tímann að vita að það væri ekki hægt að
bóka eitt eða neitt. Eg er ekki búin að gegna neinum trúnaðarstörfum
innan flokksins“ („Mótmæli á RÚV“ 1997). Þarna tók Þorgerður
opinberlega af allan vafa um að ráðning hennar var af flokkspóli-
tískum rótum sprottin. Eini hugsanlegi keppinauturinn um stöðuna
í hennar huga var samflokksmaður.
Kári Jónasson lét af störfum sem fréttastjóri Ríkisútvarpsins árið
2005 eftir langan og farsælan feril. I auglýsingu um starfið kom
skýrt fram að umtalsverð reynsla af fjölmiðlum væri nauðsynleg en
reynsla af rekstri æskileg.22 Umsækjendur voru tíu: Arnar Páll
22 Staðan var auglýst í ársbyrjun 2005, sbr. Morgunblaðið, 23. janúar. Sjá einnig
grein G. Péturs Matthíassonar (2005: 36), m.a.: „.... í auglýsingu um frétta-
stjórastarfið kemur skýrt fram að reynsla af rekstri sé æskileg en umtalsverð
reynsla við fjölmiðla sé nauðsynleg.“