Skírnir - 01.09.2012, Blaðsíða 156

416
BRYNDÍS BJÖRGVINSDÓTTIR
SKÍRNIR
í aðgerð til að láta taka aðra löppina af sér á spítala.“14 Með því að
skoða gagnagrunninn má sjá að í bröndurum fara karlmenn til
læknis bæði vegna vandræða með kynfæri sín og vegna annarra lík-
amsparta sem þeir búa yfir ásamt konum.15 Karlmenn virðast því
bæði birtast í bröndurum sem karllíkamar og mannslíkamar en
konur fyrst og fremst sem kvenlíkamar þar sem sér-kvenlegir lík-
amspartar þeirra eru forsenda þess að þær komi við sögu:
Það var einu sinni gömul kona sem ætlaði að fremja sjálfsmorð og hún var
búin að ákveða að skjóta sig í hjartað. En svo var hún ekki alveg viss hvar
hjartað væri þannig að hún fór til læknis til að fá hann til að sýna sér það.
Læknirinn sagði henni að það væri rétt fyrir neðan vinstra brjóstið. Dag-
inn eftir kom frétt í blaðinu með fyrirsögninni: „Gömul kona skaut sig í
vinstra hnéð!“16
Einu sinni sátu þrjár konur saman sem allar voru ófrískar, þær voru allar að
prjóna peysu á ungbarnið sem þær gengu með undir belti og ræða saman. Ein
konan sagði: „Ég tek vítamín svo barnið mitt verði hraust og heilbrigt." Þá
sagði kona númer tvö: „Ég tek vítamín og kalk því ég vil að barnið mitt verði
heilbrigður íþróttamaður og til þess þarf sterk bein!“ Þá sagði sú þriðja: „Ég
tek Thalidomide því mér leiðist svo að prjóna ermar á peysur.“17
Og að lokum:
„Af hverju eru konur með fætur?“
Þar sem hér er spurt um konur sérstaklega og fætur má ætla að
svarið hljóti að gera út á kvenlíkamann. En hvaða kvenlegu líkams-
hluta eða einkenni?
„Svar: Svo að það komi ekki slímrendur á parketið!18"
I þessu tilviki kynfærin.
14 Heimildarmaður er 24 ára kona. Safnað með sfmtali, 2. mars 2005.
15 f gagnagrunninum má finna fjóra brandara um karlmenn sem fara til læknis vegna
vandræða með kynfæri en fimm brandara um karlmenn sem fara til læknir út af
einhverju öðru sem karlar og konur búa þá bæði yfir.
16 Heimildarmaður er 27 ára kona. Safnað á heimili safnara, 10. febrúar 2009.
17 Lyfið Thalidomide var gefið konum við morgunógleði á sjötta áratugnum og
hafði þær aukaverkanir að það hamlaði vexti útlima fóstursins. Heimildarmaður
er 51 árs skurðlæknir (kyn kemur ekki fram). Safnað á Landspítala - Háskóla-
sjúkrahúsi við Hringbraut, 19. febrúar 2007.
18 Heimildarmaður er 20 ára kona. Safnað á heimili skrásetjara, 17. febrúar 2009.