Skírnir - 01.09.2012, Blaðsíða 108
368
ÓLAFUR GÍSLASON
SKÍRNIR
Winckelmann gerði að vísu greinarmun á náttúrlegri fegurð og list-
rænni fegurð, en um leið og hann setur fram heilstæða kenningu um
guðdómlegt eðli fegurðarinnar sem er „skynjuð með skilningarvit-
unum en skilin með hugsuninni“ út frá hinum fegurstu fordæmum
náttúrunnar, þá setur hann jafnframt fram heilstæða og ítarlega
kenningu um fagurfræði mannslíkamans er byggi á stærðfræði-
legum hlutföllum út frá tölunni þrem. Nálgast þessi fagurfræði
Winckelmanns mjög að vera kynþáttahyggja, þar sem hann telur
m.a. þykkar varir og inndrægt og kúlulaga nef blökkumanna, flatt
andlit og skásett lítil augu Asíubúa vera afbrigðileg frávik frá hinni
fullkomnu fyrirmynd sem hann sá meðal Grikkja og stóð næst
mynd hans af skaparanum sjálfum. Tómas virðist undir áhrifum
Winckelmanns hvað þetta varðar en athyglisvert er samt að í hans
huga virðist Island ekki falla undir þessa kenningu hvað loftslagið
snertir því að kaupstaðarkonur á Islandi jafnast til fulls á við vinnu-
konurnar fögru sem hann sá í Dresden.
Heimförin frá Napoli
Þegar Tómas kemur til Palermo fær hann að vita að styrkumsókn
hans til fararinnar hefur verið hafnað af dönskum yfirvöldum, en
hann setur þá stefnuna á París og segir í bréfi til föður síns sem hann
ritar kominn til Napoli 28. ágúst 1833, að hann stefni á að halda
„þar út [þangað] til í desember. Komi mér úr því engin hjálp, verð
ég að setja mig þar niður?! Því alstaðar í Evrópu er ég matvinn-
ungur, ef ég vil vera kyr, en reist get ég ei af eigin kröftum" (TS
1907: 125).
Tómas dvaldi um einn mánuð í Napoli áður en hann hélt af stað
norður á bóginn í septemberbyrjun. Leiðin norður lá í gegnum
Róm og Flórens, til Livorno, Pisa, Lucca, Genova, Milano og Tor-
ino. Þaðan hélt hann í gegnum Sviss og Austurríki með viðkomu
m.a. í Sion, Chamonix, Genf, Lausanne, Bern, Luzern, Zurich,
Schaffenhausen og Basel. Þaðan yfir frönsku landamærin um
Strasbourg til Parísar, en þangað kemur hann um miðjan nóvem-
ber 1833.1 bréfi til vinar segir hann um þetta ferðalag að „í flestöllum
af þessum stöðum hef ég staðið við í 2-3 daga og í öllum þeim stærri