Hugur og hönd - 01.06.1996, Síða 28

Lítið teppi eða dúkur eftir Gróu Jakobsdóttur. Ef vel er að gáð sést að ekki er sami litur notaður til að ljúka við munstrið
í tiglunum í miðlengjunni.
tiglar til skiptis með jöfnu millibili.
Lengjurnar eru saumaðar saman
og prjónuð „takkablúnda" saum-
uð utan með. Lengjan í miðjunni er
með brúnleitum grunnlit en í hin-
um tveimur er hann bleikur,
blúndan er í sama lit og miðlengj-
an. Grunnlitirnir eru álíka sterkir,
bandið er dálítið mislitt og víxlast
brúni liturinn og sá bleiki á stöku
stað. I mynstrunum er einnig hér
og hvar skipt um lit, líklega þar
sem bandendinn hefur verið of
stuttur, t.d. tekur ljóslillablár litur
við af bleikum í öðrum tiglinum í
miðlengjunni.
Leikur að litum og formum
Það sem gripirnir eftir Gróu Jak-
obsdóttur í Heysholti og mörg
prjónuð verk Bandaríkjamannsins
Kaffe Fassetts eiga sameiginlegt,
eru reglubundin mynstur með
mörgum litum, litb’rigði innan
mynsturflatar og að sótt er í gamla
hefð til að skapa nýstárlega hluti.
Þrátt fyrir frjálslega útfærslu er
samt samræmi í heildarmyndinni
og það er hún sem skiptir máli.
Nýsköpun á gömlum grunni
Við seinni tíma prjónafólk getum
núna tekið okkur til og gert eftir-
myndir af sessunni góðu eða tepp-
inu en einnig væri hægt (og mun
rismeira) að fylgja fordæmi Gróu
frekar á þann veg að nota gömul
verk sem innblástur í ný. Þeir sem
ekki treysta sér til að prjóna fyrstu
rósina án uppskriftar geta stuðst
við leiðbeiningar Margrétar Jakobs-
dóttur, í tímaritinu Hugur og hönd
frá 1968. Vegna þess að ekki þarf að
fitja upp nema 32-34 lykkjur er
auðvelt að byrja og hagræða síðan
hlutföllunum eftir þörfum. Nokkrir
bandhnyklar og tveir prjónar taka
lítið pláss í töskunni og hægt að
taka það með sér hvert sem er.
Hvernig væri til dæmis að byrja á
barnateppi úr litlum rósaferningum
og einlitum lengjum með garða-
prjóni eða gera peysu úr rósalengj-
um og hafa tungukant að neðan og
framan á ermunum? Möguleikarnir
eru óteljandi og það þarf ekki ann-
að en að grípa einhverja hugmynd-
ina og hefjast handa.
Þórdís Kristleifsdóttir
Heimildir og hliðsjónarrit:
Elsa E. Guðjónsson. „Um prjón á íslandi." Hugur og hönd, 1985, bls 8-12.
Fassett, Kaffe. 1985. Glorious Knitting. Ebury Press Ltd. London.
Fassett, Kaffe. 1993. Kaffe's Classics. Ebury Press Ltd. London.
Fassett, Kaffe. Kennsluþættir á myndböndum. London.
Halldóra Bjarnadóttir. 1928. „Skýringar við myndir." Hlín, 12. árg. bls. 157.
Halldóra Bjarnadóttir. 1966. Vefnaður. Bókaútgáfa Menningarsjóðs, Rvk.
Margrét Jakobsdóttir. „Rósaleppar." Hugur og hönd, 1968, bls 22.
Pagoldh, Susanne. 1987. Stickat Frán Norden. Anfang Förlag Ab. Sth.
Phillips, Mary Walker. 1973. Kreativ strikning. Host og Sons Forlag.
Kph.
Sara Bertha Þorsteinsdóttir og Valgerður Kristín Sigurðardóttir. „Prjón."
Hugur og hönd , 1984, bls. 10-13.
Sigríður Halldórsdóttir, vefnaðarkennari. Samtal.
Snidare, Uuve. 1986. Fiskertrojer og andre klassiske trojer. Forlaget Sesam AS.
Kph.
Thomas, Mary. 1938, endurútg. 1985. Mary Thomas's Knitting Book. Hodder
and Stoughton. London.
Þórður Tómasson safnvörður, Byggðasafninu í Skógum. Samtal.
28 Hugur og hönd 1996