Bændablaðið - 28.02.2019, Side 42

Bændablaðið | Fimmtudagur 28. febrúar 201942
UTAN ÚR HEIMIFURÐUVÉLAR&FARARTÆKI
P&H L-2350 hjólaskóflan
sem framleidd er af Komatsu
Limited er stærsta hjólaskófla í
heimi samkvæmt heimsmetabók
Guinnes. Hún hét áður L-2350
loader og var fyrst kynnt
á sýningunni MINEExpo
árið 2000 og var upphaflega
framleidd af LeTourneau Inc. í
Bandaríkjunum.
P&H L-2350 hjólaskóflan er
260 tonn að þyngd. Í henni er
16 sílindra 65 lítra Detroit dísil-
fjórgengisvél sem er 2.300 hestöfl.
Með 72 tonn lyftigetu og skóflu
sem tekur 40,5 tonn
Er hún með lyftigetu upp á 72,5
tonn en staðalskófla tekur 40,5
tonn. Hjólaskóflan tekur nærri
fjögur tonn af eldsneytisolíu eða
3.974,68 lítra og 1.230 lítra af
glussa. Dekkin eru 70/70-57 SRD
DT sem er 4 metrar í þvermál og
1,78 metrar á breidd.
Fyrirtækið sem R. G.
LeTourneau stofnaði hefur skipt
margoft um eigendur
LeTourneau Inc.var stofnað af R.
G. LeTourneau í Kaliforníu árið
1929 til að framleiða jarðvinnutæki
og var framleiðslustarfsemin
í Texas. Fyrirtækið hagnaðist
mjög í seinni heimsstyrjöldinni
og framleiddi um 70% af öllum
jarðvinnutækjum sem bandamenn
þurftu á að halda. Það hóf að
framleiða borvagna árið 1954
og hannaði öll slík tæki fyrir
Rowan fyrirtækin. Síðan smíðaði
LeTourneau fyrsta bolahleðslutæki
sitt fyrir skógarhögg árið 1955.
Það fyrirtæki var yfirtekið af
Marathon 1972 og hét eftir það
Marathon LeTourneau Company.
Rown Companies keyptu Marathon
LeTourneau árið1985. Árið 2006
var nafninu breytt í LeTourneau
Technologies, Inc. Það var síðan
selt í miklum viðskiptasnúningum
til Joy Global árið 2011. Eftir
yfirtöku Joy Global var þessi
hjólaskófla nefnd P&H L-2350.
Hins vegar seldi Joy Global þá
hluta fyrirtækisins sem nefndir voru
LeTourneau Drilling, LeTourneau
Marine og LeTourneau Power
til Cameron International strax
í október 2011 og virðist þessi
uppstokkun í raun hafa verið liður
í yfirtöku Joy Global á LeTourneau
Technologies.
Stærsta yfirtaka Komatsu
frá upphafi
Vinnuvélarisinn Komatsu yfirtók
svo Joy Global 2016 og þar
með framleiðslu á P&H L-2350
hjólaskóflunni í 3,7 milljarða
dollara yfirtöku. Var þetta stærsta
fyrirtækjayfirtaka Komatsu frá
upphafi. Joy Global var fyrir
þessi eignaskipti stærsti sjálfstæði
framleiðandi á námutækjum til
neðanjarðarvinnslu í heimi á
hlutabréfamarkaði í New York.
Við yfirtöku Komatsu breyttist Joy
Global í Komatsu Mining Corp.
Um 10 þúsund starfsmenn Joy
Global fluttust þá til Komatsu sem
var eftir það komið með 57.000
starfsmenn um allan heim.
Caterpillar 994
Caterpillar 994 var um tíma
stærsta hjólaskófla sem
vélaframleiðandinn Caterpillar
hafði smíðað og vó hún rúm
192 tonn. Hún er samt mun
minni en P&H L-2350 sem
nú er í eigu kepinautarins
Komatsu. Frumgerðin af þessari
Caterpillar hjólaskóflu var
smíðuð 1989 í nýstofnaðri
námutækjamiðstöð fyrirtækisins.
Tengist sú framleiðsla óbeint nafni
LeTourneau. Ástæðan er að dekk
voru ekki sérhönnuð fyrir þennan
Caterpillar 994. Það var því rétt
svo að hægt væri að finna nógu
stór dekk undan námubílum svo
hægt væri að nota vélina.
Fyrsta vélin var fullgerð í
Decatur samsetningarverksmiðju
Caterpillar fyrir Cyprus Sierrita
koparnámufyrirtækið í Arizona.
Nokkur ár liðu þó frá því þessi
vél fór úr húsi þar til hægt var að
skaffa almennileg fullvaxin dekk
fyrir vélina. Þau höfðu einmitt
verið framleidd fyrir enn stærri
hjólaskóflu, nefnilega LeTourneau
L-2350.
Caterpillar 994 var 192 tonn
og tók 31,5 tonn í skófluna. Það
var nóg til að fylla pall á stórum
150 tonna námubílum í fjórum
skóflum. Þessai Caterpillar þótti
snör í snúningum þrátt fyrir stærð.
Árið 1998 hafði Caterpillar selt
200 stykki af 994 gerðinni. Var þá
gerð uppfærsla í 994D sem var
með meiri lyftigetu. Þá var hún
búin Caterpillar 3516B TA 69L
mótor sem skilaði 1.375 hestöflum.
Einnig var stýrisvélin uppfærð og
settur í hjólaskófluna stýripinna
(joystick).
Nýjasta útgáfan heitir
Caterpillar 994H og vegur
tæp 194 tonn. Hún er 78 lítra
Caterpillar 3516B HD EUI mótor
sem er 1.577 hestöfl og er með
gríðarlegan togkraft eða 6.289
pund/fet við 1.000 snúninga á
mínútu. Hún getur tekið 34,5 tonn
í skófluna. /HKr.
P&H L-2350 er með 2.300 hestafla mótor og hefur verið framleidd af Komatsu frá 2016 eftir 3,7 milljarða dollara
yfirtöku á námuvélaframleiðandanum Joy Global.
P&H L-2350 stærsta hjólaskófla í heimi
– Var upphaflega framleidd af LeTourneau sem nú er í eigu Komatsu
Það eru engin fólksbíladekk undir P&H L-2350 vélinni frá Komatsu.
Caterpillar 994H.
Þarna tekur P&H L-2350 þokkalega stóra hjólaskóflu hreinlega í nefið.
Caterpillar 994H, 1.577 hestöfl.
Mimiro hlaut nýlega Nýsköpunarverðlaun landbúnaðarins árið 2019 í
Noregi en einkunnarorð fyrirtækisins eru: „Við byggjum lausnir fyrir
matvælaframleiðslu morgundagsins“.
Öll gögn bóndans á
einum og sama stað
Á síðasta ári stofnuðu sam-
vinnufélög bænda í Noregi, Tine og
Felleskjøpet, óháð tæknifyrirtæki
fyrir bændur með það að markmiði
að þróa stafrænar lausnir fyrir
árangursríkari og umhverfisvænni
matvælaframleiðslu.
Strax á þessu ári koma ný öpp
á markað fyrir norska bændur með
einfaldari skráningum og innsýn til
að geta stöðugt bætt framleiðsluna.
Á sama tíma ætlar fyrirtækið að
þróa stafrænt vistkerfi fyrir aðila
sem tengjast landbúnaði eins og
birgðahaldara, vísindamenn og
ráðgjafa.
Öllum gögnum bóndans, hvort
sem það er fyrir húsdýr, plöntur,
tæki eða bókhald, á að safna í eitt
forrit sem hægt er að stjórna frá
farsíma og netbretti. Hugmyndin
með fyrirtækinu er jafnvel að gera
upplýsingar um norskan landbúnað
að útflutningsvöru og áætla
forsvarsmenn Mimiro að virði gagna
úr norskum landbúnaði sé nálægt
fjórum milljörðum íslenskra króna.
Mimiro hlaut nýlega Nýsköpunar-
verðlaun land búnaðarins árið
2019 í Noregi en einkunnarorð
fyrirtækisins eru: „Við byggjum
lausnir fyrir matvælaframleiðslu
morgundagsins“. Fyrirtækið mun
þróa vörur og þjónustu sem miðast
við hagræðingu og greiningu á
gögnum bóndans, lausnir sem á að
vera einfalt að nota dagsdaglega
á sveitabænum. Á sama tíma á
bóndinn að geta sótt ráð auðveldlega
í gegnum forrit fyrirtækisins sem
geta gagnast við dagleg störf.
Þannig er markmið fyrirtækisins
að safna öllum gögnum á einn og
sama stað þar sem bóndinn á sín
eigin gögn.
Tækni í landbúnaði opnar á
stóra möguleika til samvinnu ólíkra
aðila. Skynjaratækni, snjallsímar
og gervigreind hjálpar til við að
breyta allri greininni og auka
samkeppnishæfni hennar. Með því
að hafa aðgang að gögnum bænda
telur fyrirtækið sig geta framleitt og
skapað nýskapandi þjónustu sem
hefur mikið notendagildi. Mimiro
leggur áherslu á að hlutverk þeirra
sé þó ekki síst að passa upp á
gögnin á tryggan og öruggan hátt.
Eitt af markmiðunum er að leiða
þjónustuna innan landbúnaðar
á heimsvísu þegar kemur að
notendahönnun, skýjalausnum og
gagnaöryggi í samvinnu við Amazon
Web Services. /ehg
Plöntur gefa heimilum
og stofnunum fallegt
og hlýlegt yfirbragð.
Auk þess sem þær bæta
andrúmsloftið í orðsins
fyllstu merkingu með
því að hreinsa úr því
óæskilegar lofttegundir.
Í hagnýtu potta-
plöntubókinni er fjallað um
175 tegundir pottaplantna
og meðferð þeirra. Gefin
eru ráð um staðsetningu,
birtu, rakastig, vökvun og
næringargjöf árið um kring.
Bókinni er skipt í fjóra
meginkafla, Innréttað með
blómum, Pottaplöntulist,
Plöntulýsingar og Umhirða
og ræktun. Hún er ríkulega
myndskreytt, bæði þegar kemur
að hugmyndum um skreytingar
með blómum og myndum af
plöntunum sjálfum.
Hagnýta pottaplöntubókin er
falleg og fræðandi bók sem mun
fylla upp í þá vöntun sem hefur
verið á góðri bók um pottaplöntur
hér á landi undanfarin ár.
Höfundar eru Fran Bailey
og Zia Allaway. Magnea
J. Matthíasdóttir þýddi og
Hafsteinn Hafliðason, handhafi
heiðursverðlauna garðyrkju
á Íslandi, var ráðgefandi við
þýðinguna. Útgefandi er Vaka-
Helgafell. /VH
BÆKUR&MENNING
Hagnýta pottaplöntubókin:
Þörf bók um pottaplöntur