Fréttabréf Öryrkjabandalags Íslands - 01.06.2000, Blaðsíða 20

morgninum þann 19. ágúst og endaði
á því að ég væri atvinnulaus og það
væru 7 mánuðir frá því að ég hefði
klárað námið mitt. Eg fór heim eftir
að ég hafði flutt mitt mál, en um
kvöldmatarleytið hringdi síminn
heima hjá mér og það var Björk
Vilhelmsdóttir blindraráðgjafi. Hún
sagði mér að það hefði verið maður á
ráðstefnunni sem hefði viljað ná tali
af mér en ég fannst víst ekki.
Maðurinn sem vildi ná tali af mér var
Hrafnkell Gunnarsson fjármálastjóri
hjá Heklu. Ég hafði samband við
hann og seinna hitti ég hann, ásamt
starfsmannastjóranum hjá Heklu,
Asmundi Jónssyni, í Hekluhúsinu. í
lok þess fundar, sem stóð yfir í 80
mínútur, sagði Hrafnkell Gunnarsson
við mig að ég mætti byrja að vinna
hjá þeim mánudaginn 13. september.
Ég trúði þessu varla að ég væri komin
með vinnu og það í þessu drauma-
fyrirtæki. Það tafðist þó aðeins, að ég
gæti byrjað að vinna, þvi það voru
nokkur tæknileg vandamál við að
koma upp Jaws hugbúnaðinum, en á
endanum tókst það.
Gott að vinna
Það er alveg yndislegt að vera búin
að fá þessa vinnu þar sem ég get nýtt
mér allt það nám sem ég hef farið í
gegnum á undanfornum árum. Það
er mjög gaman þegar maður þarf að
fara að nota einhverjar formúlur eða
einhveija teóríu sem maður var að
læra í skólanum en manni fannst vera
alveg tilgangslaust að læra. En núna
sér maður hvernig maður getur nýtt
sér námið þegar komið er út í at-
vinnulífið. Samstarfsfólkið sem ég
er að vinna með er alveg yndislegt og
býðst að gera þetta og hitt fyrir mig.
Það eina sem ég treysti mér ekki að
gera er að fara ein upp í matsal, því
þetta er mjög langt frá þeim stað þar
sem skrifstofan mín er og ég veit að
ég mundi villast ef ég reyndi þetta ein
míns liðs. En það eru alltaf einhverj-
ir sem leyfa mér að vera samferða
þeim þegar þeir fara upp í mat.
Vinnuandinn í deildinni sem ég vinn
í, ásamt tveimur öðrum konum, er al-
veg yndislegur. Ég bara vona og bið
að ég fái að vinna hjá bilaumboðinu
Heklu eins lengi og ég get eða á
meðan þeir hafa not af menntun
minni.
Ragna K. Guðmundsdóttir
iðnrekstrarfræðingur og
vörustjórnunarfræðingur.
Atvinnuleg
endurhæfing
Formálsorð: Þessi ágæta fróðleiksgrein birtist áður í SÍBS blaðinu og
hér er hún birt með góðfúslegu leyfi höfundar, sem ritar þessa grein fyrir
hönd teymis um atvinnulega endurhæfingu á Reykjalundi. Merkilegri
nýbreytni eru hér gjörð góð skil.
Ritstj.
Sigríður
Jónsdóttir
Frá upphafi hefur atvinnuleg endurhæfing verið stór þáttur í starfsemi
Reykjalundar, en af ýmsum ástæðum dregist saman síðustu árin.
Það hefur verið draumur margra hér á staðnum að blása nýju lífi í þessa
starfsemi og á s.l. ári hófst undirbúningur að því marki. Kannað var
hvernig best væri að standa að atvinnulegri endur-
hæfingu með þeirri þekkingu sem er til staðar í dag á
þessu sviði og miðað við þær kröfur sem þjóðfélagið
gerir nú.
I upphafi árs var gerður samningur við Trygginga-
stofnun ríkisins um tilraunaverkefni í atvinnulegri
endurhæfingu. Fulltrúar Tryggingastofnunar velja þá
einstaklinga sem koma í þessa meðferð. Gert er ráð
^- fyrir fimm þátttakendum til að byrja með.
Vinna er samofin sjálfsmynd okkar og kemur sterklega fram í þessari
algengu kynningarspurningu “og hvað gerir þú?”. Á íslandi er litið á
vinnuna sem dyggð og það eiga allir að vinna, hvemig sem þeim líður.
Fólk er tilbúið að leggja mikið á sig til að halda sjálfsmynd sinni sem
útivinnandi einstaklingur. Einstaklingurinn vill vera virtur og virkur
þjóðfélagsþegn og finna að vinna hans er metin og hann er ekki byrði
fyrir aðra. Þess vegna leggja margir alla sína orku í vinnuna, koma svo
heim til að safna kröftum fyrir næsta vinnudag og hafa enga orku af-
gangs til að sinna öðram þáttum lífs síns. Þetta er ekki farsælt til lengd-
ar, því jafnvægi í daglegu lífi er undirstaða góðrar heilsu. Ef ekki er
hægt að stunda sitt fyrra starf eins og áður, getur verið nauðsynlegt að
skoða nýjar leiðir til að framkvæma vinnuna og sætta sig við að gera
hana á annan máta. Jafnvel getur verið þörf á að skipta um vinnu og
hver á þá sú vinna að vera?
r
Asviði atvinnulegrar endurhæfingar hér á Reykjalundi munurn við
leggja áherslu á að einstaklingurinn setji sér markmið um það sem
hann vill starfa að og verði virkur í allri framkvæmd meðferðarinnar.
Unnið verður einstaklingsbundið og í hópum, þar sem megináherslan
verður vinnuefling sem felst í því að auka vinnuþol með fræðslu og
æfingum og vinnuprófun við ýmis verk innan staðar og utan. Jafnframt
verður lögð áhersla á vinnuaðlögun þar sem er athugað hvort hægt er að
breyta vinnuumhverfi, vinnutíma og/eða vinnuferli. Einnig gefst kostur
á atvinnuskoðun þar sem einstaklingurinn skoðar hvar áhugi og færni
hans liggur, stuðningi við atvinnuumsóknir og skoðun á vinnu-
markaðinum.
Sett hefur verið á laggirnar sérstakt teymi sem í verða iðjuþjálfar, fé-
lagsráðgjafi, sálfræðingur, læknir, sjúkraþjálfari og hjúkrunarfræðingur,
einnig höfum við aðgang að öðrum starfsstéttum staðarins eftir þörfum.
Einstaklingarnir sem einungis munu verða hér á daginn geta nýtt sér þá
aðstöðu sem er til staðar á Reykjalundi í þeim hléum sem gefast.
Sigríður Jónsdóttir
iðjuþjálfi.
20