Fréttabréf Öryrkjabandalags Íslands - 01.06.2000, Blaðsíða 32

3. Ráðstefna um yfirfærslu
málefna fatlaðra.
Helgi skýrði frá ákvörðun fram-
kvæmdastjórnar um að boða til
haustráðstefnu um málið með full-
trúum allra aðildarfélaga þar sem
menn stilltu saman strengi. Nauð-
synlegt væri að svara grundvallar-
spurningum fyrst s.s. um afnám sér-
laga, yfirfærsluna sjálfa, fjárhags-
dæmið o.s.frv. Vísast þar um til
leiðara í þessu blaði. Garðar minnti á
fjölda sveitarfélaga og smæð svo
margra þeirra. Umhugsunarefni væri
að á sama tíma og sett væru ný sérlög
og hert á öðrum þá væri afnám lag-
anna um málefni fatlaðra á döfinni.
Nauðsynin mest í þessu máli að tala
einum rómi. Guðjón Ingvi Sigurðs-
son kvað miklar umræður í gangi um
þessi mál á Vesturlandi, þar þyrfti
tvöföldun fjármagns í málaflokkinn
ef vel ætti að vera.
Fjárhagsdæmið allt verður að liggja
ljóst fyrir en meginstefnan á að vera
sú að færa verkefnin nær fólkinu.
Sagðist sannfærður um að sameining
sveitarfélaga myndi halda áfram af
fullum krafti.
Málfríður Gunnarsdóttir sagði
reynslu Norðurlandabúa ekki þá að
um betri kost væri að ræða fyrir fatl-
aða og því yrði að fara að hér með
fullri gát.
Vilhjálmur B. Vilhjálmsson kvað
yfirfærsluna mikið spurningarmerki
s.s. hvað snerti smæstu og vanbún-
ustu sveitarfélögin og menn skyldu
muna að misgóð væru sveitarfélögin
og misjafnar aðstæður þeirra, það
hefði t.d. sýnt sig í Danmörku.
Ég kýs ríkið áfram, sagði Vil-
hjálmur.
Sigurður V Viggósson trúir því að
vel verði að staðið og meiri vilji verði
hjá sveitarstjórnum en ríki til góðra
hluta, nálægðin verði kostur.
Sveinn Rúnar taldi málefnin betur
komin hjá ríkinu, misræmið yrði
mikið á milli sveitarfélaga, sveitar-
félögin einfaldlega of litlar einingar
yfirleitt. Arnór Pétursson óttaðist að
menn stæðu frammi fyrir orðnum
hlut, en vel yrði til verksins að vanda.
Friðrik Alexandersson fagnaði
ráðstefnu á haustdögum og kvað
ýmsa sem þjónustu njóta í dag ótta-
slegna um sinn hag við breytinguna.
Minnti á hve skelfilega vantaði upp á
fjármagn í Reykjavík og á Reykjanesi
í þessum málaflokki. Hér væri um
þjónustuverkefni að ræða sem erfitt
væri að leysa á sveitarfélagagrunni.
Fundi var slitið k. 18.30.
H.S.
Guðríður Ólafsdóttir félagsmálafulltrúi ÖBÍ:
SKÖPUN - LISTSÝNING
í DIGRANESKIRKJU
Snemma i maímánuði opnuðu 9
geðfatlaðir einstaklingar at-
hyglisverða samsýningu á verkum
sínum í Digraneskirkju.
A sýningunni voru málverk og
keramikmunir sem unn-
in hafa verið með stuðn-
ingi frá starfsemi sem
rekin er að heimilinu
Dvöl við Reynihvamm í
Kópavogi, en það eru
Rauði kross íslands
Kópavogsdeild, Kópa-
vogsbær og Svæðisskrif-
stofa málefna fatlaðra á
Reykjanesi sem reka
staðinn. Markmiðið er
að rjúfa félagslega
einangrun geðfatlaðra
og koma gestir í at-
hvarfið á eigin for-
sendum, þar geta þeir
m.a. nýtt sér ágæta að-
stöðu til listsköpunar. Haldin eru
námskeið sem miða að því að mæta
einstaklingnum á þeim stað sem
hann er staddur í sköpun sinni.
Elva Jónsdóttir listmeðferðar-
fræðingur hefur haldið námskeið í
listsköpun og styðst þar aðallega
við sitt nám í myndlist við kennslu
sína. Hvert námskeið eru átta
kennslustundir og aðsókn er mjög
góð. Árangur af starfinu er einnig
mjög góður eins og sjá mátti á
sýningunni þar sem ijölbreytni í list
þessa fólks var ótrúleg.
Tildrög þessarar sýningar voru
þau að séra Gunnar Sigurjóns-
son sóknarprestur kemur reglulega
í heimsókn til Dvalargesta og einu
sinni sem oftar var um það rætt
hvað þau gætu gert í tilefni kristni-
tökuafmælisins og sýningin er af-
rakstur þeirrar umræðu.
I opnunarræðu sinni
sagði séra Gunnar að
yfirskrift sýningarinnar
sem var “Sköpun” væri
m.a. lýsandi fyrir þann
sköpunarkraft sem býr
innra með manninum
og gefur honum tæki-
færi til tjáningar í leit
sinni að tilgangi og
samsvörun. Fyrir Guð
sem allt hefur skapað
með orði sínu og fýrir
sköpunina sem er fyrir
stöðuga endurnýjun.
Það var vissulega
ánægjulegt að sjá hve
vel hafði tekist til og ekki var verra
fyrir listhafendur að sala á verkum
þeirra var góð þennan fyrsta dag
sýningarinnar.
Guðríður Ólafsdóttir.
Frá opnun sýningarinnar.
32