Íþróttablaðið - 01.12.1968, Síða 70

Knattspyrnu-
mót
lslands
1968
57. Knattspymumót Islands hófst á Njarðvíkurvelli
25. mai með leik IBK og' IBA í 1. deild. Mótið stóð svo
yfir í 3 mánuði, eða til 26. ágiist, en þá léku Valur og
Fram, úrslitaliðin í mótinu 1967, á Laugardalsvelli. 31
félag sendi 82 lið til þátttöku í mótinu, þ.e. um 950
þátttakendur. Eitt félag, Stefnir frá Súgandafirði, hætti
þátttöku eftir að hafa leikið einn leik, en liðið lék í
B-riðli 3. deildar.
I. deild.
Knattspyrnufélag Reykjavíkur hlaut nú Islandsmeist-
aratignina í 20. sinn Og hefur hlotið titilinn oftast
allra félaga. Valur og Fram hafa sigrað 14 sinnum, en
ÍA 6 sinnum, Víkingur tvisvar og IBK einu sinni.
Keppnin í I. deild var bæði skemmtileg og spenn-
andi. Þannig höfðu 3 félög mikla möguleika á sigri
allt fram í 8. umferð, en hins vegar lágu Keflvíkingar
kyrfilega á botninum.
KR-ingar vom vel að sigrinum komnir i þetta sinn,
þó að byrjunin hjá félaginu hafi ekki verið góð, að-
eins 2 stig úr þremur fyrstu leikjunum, en síðan kaf-
sigldu þeir Keflvíkinga með 6 mörkum gegn engu, og
eftir það unnu þeir alla sína leiki, nema þann síðasta,
sem var við ÍBK í Keflavík. Þurfti KR að fá eitt stig,
þ.e. jafntefli, til að vera öruggt með sigur í mótinu.
Leikur þessi einkenndist mjög af taugaspennu, sérstak-
lega af hálfu KR-inga, og náðu þeir naumlega jafn-
tefli 2:2. Hefðu KR-ingar tapað þessum leik, hefði
Fram átt möguleika á að jafna metin og fá aukaleik
við KR, þar sem Framarar höfðu 12 stig fyrir síðasta
leik, en KR-ingar 14. En Framarar töpuðu sínum síð-
asta ieik, sem var við Val, svo að það hefði aldrei
komið til, þó svo að KR hefði tapað I Keflavík.
I heild var KR-liðið mjög sterkt, þó i því væru
nokkrir veikir punktar. Einn þeirra var verstur, en
hann var sá, hvað Ellert Schram hafði mikið að segja
fyrir liðið. Ef hans naut ekki við, var liðið eins og
vængbrotinn fugl. Kom þetta bezt í ljós, er liðið lék
við IBV í Reykjavík. Staðan var 3:1 KR I vil, en þá
er Ellert vikið af leikvelli, Og á næstu 5 mínútum
jafna Eyjamenn metin. Var leikur KR-inga ekki svipur
hjá sjón, það sem eftir var leiksins og Eyjamenn, sem
höfðu verið afar auðveldir viðureignar, ógnuðu mjög
og áttu ekki minna í leiknum það sem eftir var. Það
var að mestu fyrir einstaklingsframtak Ólafs Lárus-
sonar, að KR vann leikinn. Hann brauzt með knöttinn
upp kantinn og skaut, að þvi er virtist í vonlausu
færi, en skotið var fast og hafnaði i netinu rétt innan
við stöng.
Ólafur var einn af fjórum markhæstu mönnum I.
deildar með 8 mörk. Var hann lang skæðasti framlinu-
maður KR, en auk hans má nefna Gunnar Felixson,
útherja og fyrirliða, sem var mjög drjúgur í leikjum
liðsins. Þá var liðinu mikill styrkur að Þórólfi Beck,
sem endurheimti áhugamannaréttindi sín á árinu. Var
hann mjög uppbyggjandi í sókn liðsins og átti þátt í
mörgum mörkum liðsins. Einnig voru Eyleifur Haf-
steinsson og Halldór Björnsson mjög sterkir hlekkir í
liðinu. 1 öftustu vörn var Ellert aðalmaður, en athygli
vakti ungur leikmaður úr 2. flokki, Björn Árnason,
sem lék bakvörð, en hann kom inn í liðið eftir góða
frammistöðu í leikjum unglingalandsliðsins á NM. Þórð-
ur Jónsson og Ársæll Kjartansson voru einnig traustir
i vöminni. Markvarðarhallæri var nokkurt framan af,
en seinni hluta mótsins lék Guðmundur Pétursson í
markinu, og átti hann góða leiki.
KR réð til sín austurrískan þjálfara, Walter Pfeiffer,
um áramótin. Tók hann KR-liðið mjög föstum tökum
þá strax, og liðsmenn fengu langar og strangar æf-
ingar. Þetta virtist í fyrstu ekki ætla að bera góðan
árangur, því að liðið var fremur dauft í Reykjavíkur-
mótinu og í fyrstu leikjum Islandsmótsins. En þá var
eins og liðið vaknaði af dvala og tapaði ekki leik í
310