Skessuhorn - 16.12.2020, Síða 4
MIÐVIKUDAGUR 16. DeseMbeR 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.590 krónur með vsk. á mánuði. Elli- og örorkulífeyrisþegar greiða
kr. 3.100. Rafræn áskrift kostar 2.815 kr. Rafræn áskrift til elli- og örorkulífeyrisþega er 2.595 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Finnbogi Rafn Guðmundsson frg@skessuhorn.is
Auk þess skrá viðtöl í jólablað, Birna G. Konráðsdóttir og Sigþór Eiríkssson
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Gleðilega jólabúbblu
Það er forvitnilegt að rifja það upp að um jól og síðustu áramót spurðum
við lesendur á vef skessuhorns hvernig árið 2020 legðist í það. Almennt
voru menn afar bjartsýnir því niðurstaðan var sú að í tilfellum 84 prósenta
lagðist árið ýmist vel í fólk eða mjög vel. bjartsýni og jákvæðni er vissulega
dygð. Hins vegar mætti fullyrða með nokkru öryggi að ef fólk væri í dag
spurt hvernig líðandi ár hefði reynst, myndi jákvæðnin vera hófstilltari. Við
höfum lifað ár sem vonandi verður einstakt í sögunni. Veðrið var ekki mest
umtalað á árinu heldur orð á borð við fordæmalaust, grímuskylda, sótt-
varnir, hættustig, samkomutakmarkanir og smitskömm. Öll áttu þau við
um aðstæður þegar mannskæð veira herjaði á allt frá héruðum til gjörvallr-
ar heimsbyggðir. Veira þessi hafði áhrif á bókstaflega allt með beinum eða
óbeinum hætti. Hún sýndi í fyrstu hversu vanmáttugt mannkynið var að
bregðast við slíkum aðsteðjandi vanda. en síðar, þegar líða tók á árið, sýndi
mannkynið hins vegar hversu öflugt það getur verið að finna lausnir þeg-
ar að steðjar vandi. Þróun bóluefnis hefur tekið skemmri tíma en nokkurn
óraði fyrir. Jafnvel Kári stefánsson, okkar fremsti sérfræðingur, hefur not-
að orð eins og ævintýralega skamman tíma þegar hann hefur rætt um þró-
un, prófun og framleiðslu á bóluefnum. bólusetning er nú hafin í nokkrum
löndum og strax eftir áramótin fer hún af stað hér á landi. Kæmi mér ekki
á óvart að bólusetningu verði lokið hér á landi í mars og vonandi að sem
flestir nýti sér það. Útlitið er því bjart og engin ástæða til annars en að sýna
jafn mikla bjartsýni fyrir næsta ári og landsmenn sýndu í fyrrgreindri kosn-
ingu fyrir tólf mánuðum síðan.
Verkefni okkar á nýju ári verða því vonandi fyrst og fremst þau að ná
vopnum okkar á nýjan leik. endurreisa laskað atvinnulíf, unga fólkið okkar
kemst aftur í skólana sína, við megum heimsækja ættingja og vini sem búa á
heimilum eldra fólks og eiga samneyti við aðra án þess að kvaðir séu lagð-
ar á fjölda. ef allt gengur að óskum verður strax næsta sumar orðið svo að
segja eðlilegt ástand.
Framundan eru nú jólin, hátíð ljóss og friðar. Þá eigum við að rækta jóla-
barnið í okkur, hvert með sínum hætti. Margir halda í hefðir frá sinni æsku,
eins og nokkrir viðmælendur okkar fjalla um í blaðinu í dag. Hjá einum
kemur m.a. fram að lögð er gríðarlega mikil vinna og nostur í að baka og
skreyta köku eina fyrir jólin sem kölluð er brúðarkakan. ekki er vitað um
tilurð nafnsins, en kakan er alltaf gerð af því mamma bakaði kökuna og
mamma hennar áður. Margra laga hnallþóra með flóknum serímoníum.
Að vísu er kaka þessi ekki góð á bragðið. Hún er einfaldlega bökuð af því
það er hluti af jólahefð þessarar fjölskyldu. Í eðli sínu erum við nefnilega öll
afar íhaldssöm. sækjum í þær hefðir sem giltu í okkar uppvexti og reynum
að koma þeim áfram til næstu kynslóða. Núna fyrir þessi jól gerum við svo
það sem ekki er bannað sem þýðir að við tökum ekki þátt í fjölmennum há-
tíðum, veislum eða verslunarferðum þar sem mannfjöldi er yfir skynsam-
legum mörkum. Nú gilda því rólegheitin á þetta. sjálfur mun ég í undir-
búningi hátíðarinnar fara í árlega ferð í sveitina mína, velja mér greni- eða
furutré úr eigin ræktun til að prýða stofuna um hátíðirnar. Dóttirin á nítj-
ánda ári tekur ekki í mál að keypt verði jólatré og hvað þá úr gerviefnum.
barnabörnin fá svo að aðstoða við að skreyta tréð og velja þær kúlur sem
þeim finnst best passa. Þá verður að venju litið við í kirkjugarðinum og sóst
eftir að eiga þar kyrrðar- og þakkarstund með þeim sem fylgdu manni úr
hlaði. Allt eru þetta reyndar árlegar athafnir og þakkarvert að þær falla ekki
undir bannlista stjórnvalda. svo verður lögð áhersla á bóklestur, rólegheit
en einnig gönguferðir til að líkaminn verði fyrir sem minnstu áfalli.
Ég vil nota þetta tækifæri og óska Vestlendingum og lesendum okkar
gleðilegrar jólahátíðar. Vonandi geta allir átt kyrrlát og falleg jól í faðmi
vina og fjölskyldu, í jólabúbblunni.
Magnús Magnússon
Hús björgunarsveitarinnar brákar í
borgarnesi er nú að taka á sig mynd
og þokast upp úr jörðinni. Í haust
hefur verið unnið að því að steypa
sökkuleiningar og aðrar undirstöð-
ur hússins. síðustu dagana hafa síð-
an starfsmenn steypustöðvarinnar
(áður Loftorku) í borgarnesi unn-
ið að því að koma fyrir undirstöð-
um undir burðarsúlur og í fram-
haldinu verða sökkuleiningar settar
niður. Áður var búið að grafa upp
úr grunninnum, fylla í hann efni og
þjappa og sá borgarverk í borgar-
nesi um þá framkvæmd. Yfirstand-
andi verk hefur gengið vel, að sögn
Jakobs Guðmundssonar formanns
bygginganefndar brákar. Þessum
áfanga verksins lýkur síðan með því
að gólfplata hússins verður steypt
en ekki er við því að búast að það
verði fyrr en með vorinu nema að
tíðin verði þeim mun hagstæðari,
segir Jakob.
bygging húss sem þessa er nauð-
synleg framkvæmd og hefur um
nokkurt skeið verið á óskalistan-
um. Núverandi húsnæði er gott og
hefur þjónað björgunarsveitinni vel
en áherslur hafa breyst að sögn Jak-
obs og húsið hentar ekki eins vel og
það gerði, t.d. er staðsetningin ekki
ákjósanleg. Með nýju húsi verður
húsnæðismálum sveitarinnar vel
fyrir komið, vonandi til næstu ára-
tuga. Kostnaðurinn er hinsvegar
talsverður og kostnaðaráætlunin er
um 125 milljónir króna til að húsið
verði fullbúið.
eftir áramótin mun brák hleypa
af stokkunum fjársöfnun til að auð-
velda byggingu hússins. Leitað
verður til fyrirtækja, einstaklinga
og stofnana í héraðinu um stuðning
við húsbygginguna. ef einhverjir,
t.d. rekstraraðilar, vilja styrkja brák
en hentar betur að gera það á yfir-
standandi ári má leggja inn á reikn-
ing 0326-22-813, kt. 570177-0369.
-fréttatilkynning
Mennta- og menningarmálaráðu-
neytið hefur skipað starfshóp um
eflingu kynfræðslu í skólum. „Í
kjölfar umræðu í samfélaginu og
ábendinga frá nemendum boðaði
ráðherra til fundar á dögunum með
aðilum sem hafa með virkum hætti
látið sig málefnið varða,“ segir í til-
kynningu frá ráðuneytinu. starfs-
hópurinn á að koma með tillög-
ur að aðgerðum sem fyrst. Hann
mun starfa út maí á næsta ári og
mun hann skila áfangaskýrslu með
kostnaðarmetnum og tímasettum
aðgerðartillögum í lok febrúar.
starfshópnum er m.a. falið að
gera tillögu að framkvæmd kennslu
í kynfræðslu og ofbeldisforvörnum
á grunn- og framhaldsskólastigi. Þá
skal hann láta vinna stöðukönnun
á framkvæmd kynfræðslu í grunn-
og framhaldsskólum þar sem m.a.
komi fram viðhorf skólastjórnenda,
nemenda og kennara. Taka skal af-
stöðu til hvort og þá hvaða breyt-
ingar þurfi að gera á aðalnámskrám
grunn- og framhaldsskóla, á inn-
taki kennaramenntunar, hlutverki
skólahjúkrunarfræðinga, náms-
ráðgjafa og tómstundafræðinga til
að kynfræðsla á þessum skólastig-
um verði með fullnægjandi hætti.
Loks skal hann gera tillögur um
með hvaða hætti best sé að miðla
fræðslu um kynlíf og kynheilbrigði.
Formaður starfshópsins er sólborg
Guðbrandsdóttir.
arg
Á heimasíðu Vegagerðarinnar er
varað við tjörublæðingu á þjóðvegi
1, meðal annars í Norðurárdal ofan
við bifröst. Ívar Örn smárason bíl-
stjóri deildi myndum á Facebook
síðu sinni sem sýna hvernig tjara
hefur safnast utanum dekkin á bíln-
um hans. Þá setur hann inn mynd
sem sýnir hvernig bíllinn hans var
útlítandi eftir daginn, með tví-
brotna framrúðu og brotinn stuð-
ara. einnig setti hann inn mynd-
band af snjómokstursbíl að skafa
þurrt malbikið, líklega til að moka
tjörublæðingunni af veginum.
Margir hafa skrifað athugasemdir
á Facebook síðu Ívars og deilt þar
myndum af dekkjunum sínum sem
eru þakin tjöru.
arg Hér sést hvernig hann nær að skafa
tjöruna af með fingrinum.
Vara við tjörublæðingu
á þjóðvegi eitt
Tjaran safnaðist á dekkin á bílnum
hjá Ívari.
Björgunarmiðstöð rís úr jörðu
- söfnun á nýju ári
Starfshópur um eflingu kynfræðslu