Morgunblaðið - 04.06.2020, Page 20

20 FRÉTTIRInnlent
MORGUNBLAÐIÐ FIMMTUDAGUR 4. JÚNÍ 2020
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
Sigtryggur Sigtryggsson
sisi@mbl.is
Framkvæmdir eru hafnar við tvö-
földun Suðurlandsvegar frá núver-
andi vegi rétt sunnan Vesturlands-
vegar og suður fyrir Bæjarháls. Um
er að ræða 1.000 metra vegakafla.
Alls bárust fimm tilboð í verkið.
Lægsta tilboðið var frá Óskataki
ehf. í Kópavogi, 402 milljónir. Var
það 82% af áætluðum verktaka-
kostnaði, sem var 491 milljón. Næst-
lægsta boðið var frá Ístaki hf. í Mos-
fellsbæ, tæpar 450 milljónir.
Starfsmenn Óskataks hófu vinnu við
vegagerðina strax eftir að samn-
ingar höfðu verið undirritaðir.
Verkið felst í að fullgera eystri ak-
braut Suðurlandsvegar, milli
Vesturlandsvegar og Bæjarháls, til
móts við Hádegismóa. Eystri ak-
brautin verður tengd við núverandi
vegakerfi í báðum endum.
Sett verður upp ný veglýsing og
vegrið til að aðskilja akstursstefnur.
Núverandi undirgöng undir Suður-
landsveg við Krókháls verða lengd
og breikkuð þannig að hægt verður
að skilja betur milli bílaumferðar og
gangandi/hjólandi, segir í verklýs-
ingu.
Markmið framkvæmdanna er að
sögn Vegagerðarinnar að auka ör-
yggi og greiða fyrir umferð. Sér-
staklega er bent á aukið öryggi óvar-
inna vegfarenda í undirgöngunum
við Krókháls
Vegarstæði Suðurlandsvegar,
sem til stendur að breikka, var að
stórum hluta sprengt í berg. Var það
verk unnið árið 2003. Vegurinn var
mikil samgöngubót á sínum tíma og
létti verulega umferðarálagi af
Höfðabakka og Bæjarhálsi, sem
áður var aðalleiðin út úr borginni að
Suðurlandsvegi. Vonast er til að
hleypa megi ótakmarkaðri umferð á
veginn fyrir 15. september nk.Verk-
inu öllu skal vera lokið fyrir 1.
nóvember 2020. Hálfs mánaðar tafir
urðu á samningum vegna kærumála
og kynninga, segir í frétt á heima-
síðu Vegagerðarinnar.
Morgunblaðið/Eggert
Suðurlandsvegur Starfsmenn Óskataks eru mættir á svæðið með stórvirkar vinnuvélar.
Tvöföldun
vegar hafin
 Vinnu við breikkun Suðurlands-
vegar á að ljúka fyrir lok október