Morgunblaðið - 04.06.2020, Qupperneq 24

24 FRÉTTIRInnlent
MORGUNBLAÐIÐ FIMMTUDAGUR 4. JÚNÍ 2020
Veronika Steinunn Magnúsdóttir
veronika@mbl.is
Mæðrastyrksnefnd Reykjavíkur
bárust óvæntir styrkir í kórónu-
veirufaraldrinum að sögn Önnu H.
Pétursdóttur, formanns félagsins.
Fyrirtæki sem hafa efni á því að
styrkja góð málefni hafi orðið ör-
látari meðan faraldurinn geisaði.
Mæðrastyrksnefnd gefur matar-
gjafir mánaðarlega og voru úthlut-
anir um 800 í maí.
„Við getum annað eftirspurninni.
Við erum mjög heppnar með það
hvað við höfum marga trygga
styrktaraðila, margir sem eru að
borga mánaðarlega og hafa gert
það í mörg ár,“ sagði Anna. Hún
segir fyrirtæki sem hafa efni á að
gefa verða örlátari þegar áföll
verða í samfélaginu.
Fjölbreyttur hópur nýtir sér að-
stoð Mæðrastyrksnefndar; náms-
menn, öryrkjar og hælisleitendur,
sem leita nú til félagsins í auknum
mæli.
Nýr hópur í auknum mæli
„Það hefur orðið fjölgun, en
öðruvísi fjölgun en við áttum von
á. Eftir að kórónuveirufaraldurinn
varð byrjaði nýr hópur að leita til
okkar í auknum mæli; fólk af er-
lendum uppruna sem á í raun
hvergi heima í kerfinu,“ segir
Aðalheiður Frantzdóttir, fram-
kvæmdastjóri Mæðrastyrks-
nefndar. Hún segir að búist sé við
aukinni aðsókn þegar sumarið líð-
ur undir lok.
„Mæðrastyrksnefnd býr að
tryggum styrktaraðilum og nýtur
stöðugs stuðnings frá einstak-
lingum. Þá halda fyrirtæki ekki að
sér höndum þrátt fyrir breytt
efnahagsástand vegna faraldurs-
ins,“ sagði hún.
Taka ekki sumarfrí í ár
„Fólki á atvinnuleysisskrá fer að
fjölga núna, þar sem uppsagnar-
frestur margra rennur út í ágúst,“
sagði Aðalheiður.
Á sumrin leita færri til Mæðra-
styrksnefndar en á veturna og
taka sjálfboðaliðar sumarfrí í júlí
ár hvert. Í ár verður ekki tekið
sumarfrí vegna anna, að
sögn Aðalheiðar.
„Undanfarin ár hafa
þær tekið sumarfrí en
þær munu ekki geta
gert það núna því að-
sóknin er svo mikil,“
sagði hún.
Matarúthlutanir hafa
verið með breyttu sniði í
ljósi faraldursins og röð-
uðu sjálfboðaliðar Mæðrastyrks-
nefndar matvælum í 900 poka eina
vikuna í aprílmánuði. Ástandið er
þó að færast nær upprunalegu
horfi.
„Við reynum að takmarka þá
sem koma hingað inn, fólk kemur
með sína eigin poka og tekur úr
hillunum en við reynum að passa
að það sé bil á milli fólks,“ sagði
Anna.
Fyrstu fermingar sum-
arsins fóru fram á hvíta-
sunnudag og hafa tugir
nýtt sér fermingarstyrk
Mæðrastyrksnefndar. Þá
fer umsóknum til mennt-
unarsjóðs Mæðrastyrks-
nefndar fjölgandi og seg-
ir Anna að það skýrist af
því að fleiri skrái sig í
nám. Hún segir einnig að náms-
menn nýti sér matargjafir.
„Námsmenn hafa alltaf leitað til
okkar og við eigum von á enn fleir-
um nú. Þegar fólk fær ekki vinnu
er það líklegra til að fara í skóla,“
segir hún.
Óvæntir styrkir í heimsfaraldri
 Fyrirtæki sem hafa efni á styrkjum verða örlátari  Um 800 heimili nýttu sér matargjafir Mæðrastyrks-
nefndar í maí  Búist við annasömu hausti, þegar uppsagnarfrestur rennur út  Styrkjum fjölgaði
Morgunblaðið/Kristinn Magnússon
Hjálparstarf Aðalheiður Frantzdóttir framkvæmdastjóri og Anna H. Pétursdóttir, formaður Mæðrastyrksnefndar, eiga von á aukinni aðsókn í haust.
Ljósmynd/Mæðrastyrksnefnd
Aðstoð Sjálfboðaliðar Mæðrastyrksnefndar röðuðu í poka meðan faraldur-
inn stóð sem hæst. Margir nýttu sér matargjafir í apríl og maí.
Sundlaugin í Ásgarði í Garðabæ og
þvottastöðin Löður hlutu aðgeng-
isverðlaun Sjálfsbjargar, lands-
sambands hreyfihamlaðra, þetta
árið.
Gunnar Einarsson bæjarstjóri og
Áslaug Hulda Jónsdóttir, formaður
bæjarráðs, tóku fyrir hönd Ás-
garðslaugarinnar á móti
viðurkenningarskjali og blómvendi
frá Bergi Þorra Benjamínssyni, for-
manni Sjálfsbjargar. Sundlaugin í
Ásgarði var tekin í notkun á ný vor-
ið 2018 eftir miklar endurbætur
bæði utandyra og innan. Að mati
Sjálfsbjargar er allur búnaður og
aðgengi í klefum og sundlaug fyrsta
flokks.
Löður lét fyrirtækið Stokk hanna
sérstakt smáforrit þar sem hægt er
að greiða fyrir alla þjónustu á sjálf-
virkum stöðvum Löðurs. Á meðan
þvottur fer fram situr bílstjórinn við
stýrið og greiðir þaðan með appinu.
Aðgengi Elísabet Jónsdóttir, framkvæmdastjóri Löðurs, tók við viðurkenn-
ingarskjali frá Bergi Þorra Benjamínssyni, formanni Sjálfsbjargar.
Aðgengisverðlaun
Sjálfsbjargar veitt