Morgunblaðið - 04.06.2020, Síða 46

MORGUNBLAÐIÐ FIMMTUDAGUR 4. JÚNÍ 2020
Sími 557 8866 | pantanir@kjotsmidjan.is | Fossháls 27, 110 Reykjavík Opnunartími7.30-16.30
Er ekki kjörið að grilla umhelgina?
Úrval af kjöti á grillið – Kíktu við!
Þóra Kolbrá Sigurðardóttir
thora@mbl.is
Fyrir rúmu ári ákváðu þau að ráð-
ast í framkvæmd sem var á góðri ís-
lensku kennd við óðs manns æði en
það vita þeir sem til þekkja í Vest-
mannaeyjum að þar láta menn fátt
stoppa sig þótt á brattann sé að
sækja.
Byggt var við staðinn og nýr veit-
ingasalur tekinn í gagnið ásamt því
sem eldhúsið fjórfaldaðist að stærð.
Stóri munurinn er að sögn Berg-
lindar að nú geta þau verið með
veislur og tekið á móti hópum sem
hafi áður reynst þeim erfitt sakir
smæðar. Eins sé núna loksins hægt
að bjóða upp á kokkteila og annað
þvíumlíkt. Berglind segir nýja hús-
næðið langþráð en það þykir ein-
staklega vel heppnað og mjög í
anda þeirra hjóna en Berglind á
heiðurinn af hönnuninni sem bygg-
ist að stórum hluta til á endurnýt-
ingu gamalla hluta og að skapa eitt-
hvað nýtt úr gömlu.
„Mér finnst ótrúlega gaman að
gefa hlutum nýtt líf og þetta hefur
líka orðið tilefni til skemmtilegra
endurminninga því fólk er að sjá út-
saum sem var til heima hjá ömmum
og öfum hér áður fyrr. Það hafa
verið ansi mörg augnablikin þar
sem fólk hefur rifjað upp minningar
sem útsaumurinn kallar fram. Þetta
er rauði þráðurinn í því sem við
gerum. Mósaíkverkið upp á vegg er
til að mynda búinn til úr leirtaui
sem hefur brotnað,“ segir Berglind
og er ánægð með hvernig til tókst.
„Þrátt fyrir stækkunina heldur
staðurinn enn sínum sjarma og er
jafn persónulegur og heimilislegur
og hann hefur alltaf verið – það er
bara meira pláss,“ segir hún og seg-
ist hlakka til að sjá Íslendinga á far-
aldsfæti í sumar. „Þetta sumar fer
vel af stað og það leggst bara nokk-
uð vel í mig. Verðum við ekki að
vera bjartsýn?“ bætir hún við bros-
andi að lokum.
Listaverk Nafn staðarins er hér búið til úr mósaík sem unnið er úr brotnum diskum. Mikil breyting GOTT rúmar nú tvisvar sinnum fleiri gesti og getur loks tekið á móti hópum.
Stækka GOTT í Vestmannaeyjum
Hjónin Sigurður
Gíslason og Berglind
Sigmars eiga veitinga-
staðinn GOTT í Vest-
mannaeyjum sem hefur
notið mikilla vinsælda
undanfarin ár.
Hjón Berglind Sigmarsdóttir og Sigurður Gíslason eru löngu orðin landsþekkt fyrir
góðan mat, en Berglind skrifað meðal annars bækurnar Heilsuréttir fjölskyldunnar.
Minningar Flestir kannast við útsaum sem þennan, en slíka
gripi mátti finna á flestum heimilum hér áður fyrr.
Kokkteilar Berglind segir frábært að geta loksins verið með gott svæði til
að útbúa spennandi drykki, hvort heldur sem er áfenga eða óáfenga.