Heilbrigðisskýrslur - 01.12.1962, Blaðsíða 154

1962
— 152 —
í sveitum og umgengni ekki til fyrirmyndar. Þrifnaður yfirleitt í góðu
lagi bæði úti og inni.
Flateyrar. Vatnsveita er hér ný og fullkomin og vatn mjög gott. Sama
verður ekki sagt um frárennsli, sem er mjög ófullkomið. Úrbætur í þessu
efni munu vera á næstu grösum. Þrifnaður er hér almennt góður bæði
úti og inni. Sem dæmi má nefna, að sorptunnur eru við hvert hús og
tæmdar vikulega.
Hvammstanga. Þrifnaði utan húss er víða ábótavant, einkum á
Hvammstanga. Af meindýrum ber eingöngu á músum, og hefur lítið verið
gert til að útrýma þeim. Hreinlæti í sundlaugum er vægast sagt ábóta-
vant, en stendur væntanlega til bóta.
Höfða. Þrifnaður úti og inni fer batnandi, og lús má heita alveg
horfin.
Sauðárkróks. Hitaveitan hefur reynzt allvel, var aukin í fyrra með
borun, og fást þannig 25 sekúndulítrar af 60° C heitu vatni, og nægir
það oftast til upphitunar húsa og annarrar almennrar notkunar. Frá-
gangur á skolpræsum hefur ekki verið eins og fyrir er mælt í heilbrigðis-
samþykkt, enda kannski ekki hægt um vik, þar sem fjaran hefur verið
á hreyfingu og eyðzt úr henni, þar sem ræsin liggja fram. Umgengni
og þrifnaður má kallast í sæmilegu lagi, þegar undan er skilið skemmu-
húsahverfi og slcúraþyrpingar á fjörukambinum, en það gerir staðinn að
hinu óhrjálegasta plássi frá sjó séð.
Hofsós. Illa gengur að útrýma lús. Einstaka persónur og einstök heimili
halda henni við og rækta. Afskipti af þessum ófögnuði eru af sumum
talin rætni og óþörf afskiptasemi, og vilja þeir hinir sömu fá að hafa
sinar lýs í friði.
Ólafsfj. Þrifnaður á heimilum yfirleitt góður.
Daloikur. Húsakynni batna, þrifnaður eykst. Stöðugt sígur á ógæfu-
hlið fyrir lúsinni í lífsbaráttu hennar. Að finna lús í kolli við skóla-
skoðun nú til dags hérna fyrir norðan myndi þykja „stærst af stórtíð-
indum“. Og flóin tilheyrir fortíðinni.
Akureyrar. Fullgerð á árinu voru 18 íbúðarhús með 22 íbúðum og 97
herbergjum. Meðalstærð íbúða 418,7 rúmmetrar og 4,4 herbergi. íbúðar-
hús komin undir þak á árinu: 34 hús, 47 íbúðir með 210 herbergjum.
íbúðarhús, sem byrjað er að byggja, en ekki orðin fokheld: 5 hús, 5
íbúðir með 31 herbergi. Hús, önnur en íbúðarhús, fullgerð á árinu sam-
tals: 12 hús, þar af nokkur stórhýsi, svo sem verzlunarhúsið Amaró,
Fataverksmiðjan Hekla, Elliheimili Akureyrar, Vörugeymsluhús K. E. A.,
skrifstofu- og verzlunarhús Útvegsbanka íslands og Bifreiðaverkstæðið
Baugur. Þá voru 8 stórhýsi gerð fokheld á árinu, og verða þau væntan-
lega fullgerð á næsta ári. Byrjað var á að byggja önnur 8 stórhýsi, og
má þar nefna viðbyggingu Gagnfræðaskóla Akureyrar. Lús er algerlega
horfin, nema hvað smávegis eftirhreytur eru af henni í 2 húsum í bæn-
um, en þar vilja húsmæðurnar með engu móti losna alveg við hana.