Studia Islandica - 01.06.1940, Síða 23

21
steinn í Dropl. s. s. sé sonur Sighvats eða Snorra?
Móti því mælir Dropl. s. s. sjálf, því að þar er Hall-
steinn á Víðivöllum kallaður: „inn breiðdælski“, og
ætti því ekki að vera upprunninn í Fljótsdal. Nú er
sá munur á, að í Hrafnkötlu eru Hallsteinssynir ekki
annað en nöfnin tóm, óbreyttir liðsmenn Hrafnkels,
en í Dropl. s. s. er víg Hallsteins á Víðivöllum, stjúpa
Droplaugarsona, mjög mikilvægt atriði. Og það væri
of kynleg tilviljun til þess að vera trúleg, að með h. u.
b. 50 ára millibili hefði búið tveir Hallsteinar á Víði-
völlum, og þó óskyldir. Hitt er miklu sennilegra, að
höf. Hrafnkötlu hafi munað eftir Hallsteinssonum á
Víðivöllum úr Dropl. s. s. og sett þá þarna inn til
þess að vera ,ekki alls ófróður um nöfn á liðsmönnum
Hrafnkels. En hann hefur ekki gert það í fullu at-
hugaleysi um tímatalið, og þess vegna gefur hann
þeim önnur nöfn.1) Hins vegar hefur hann varla haft
aðra heimild um þá „Hrólfssonu á Hrólfsstöðum“ en
bæjarnafnið eitt.2) Um aðrar persónur í Hrafnkötlu
en þær, sem nú hefur verið getið, höfum vér engar
aðrar heimildir til samanburðar. Sagan nefnir konu
Hrafnkels, sem er ekki getið í Landnámu, Oddbjörgu
Skjöldólfsdóttur úr Laxárdal. I Landnámu eru nefnd-
ir tveir Skjöldólfar, báðir á Austurlandi, en þar er
enginn Laxárdalur. Heldur verður að teljast efasamt,
að þetta sé úr gömlum sögusögnum, ,enda kemur Odd-
björg lítt við söguna og ættmenn hennar alls ekki.
Eitt af því, sem talið hefur verið styrkja mjög sann-
indi Hrafnkötlu, svo að hún hefur verið tekin fram
yfir sjálfa Landnámu, eru örnefnin. Höfundur
1) Af fjórum nöfnum Hrólfssona og Hallsteinssona eru þrjú
hin sömu og nöfn Sturlusona: Þórður, Sighvatur, Snorri. Greip
höfundur ósjálfrátt til þessara alkunnu nafna, þegar hann var
að skíra þessar tilbúnu persónur? Þetta getur verið tilviljun, en
kynleg er hún.
2) Um það sjá Kálund II, 235.