Rit Mógilsár - 2013, Side 68

68 Rit Mógilsár 27/2012

sem gróðursett voru 2 árum seinna
eru að standa sig vel. Þau eru meðal
efstu kvæma í meðalhæð og hafa
mjög góða lifun. Meðal lifun í
tilrauninni var 64% og er það
talsvert betra en í Hólsgerði.
Vesturland
Á Vesturlandi var tilraunin sett út á
Vilmundarstöðum í Reykholtsdal og
lenti á mjög frostlendum stað og
sést það vel á meðallifun sem er
einungis um 18%. Hér er það
kvæmið Pudasjärvi frá Finnlandi sem
hefur mestu meðalhæðina (5. mynd)
en er ekki tölfræðilega frábrugðið
næstu 13 kvæmum sem á eftir
koma. Harstad frá Noregi sem hafði
hæðstu meðalhæð í Eyjafirði er hér í
öðru sæti. Það er athyglisvert að
skoða lifunina á finnsku kvæmunum
Pudasjärvi og Ranva sem er yfir
60%. Þessi efniviður hefur
hugsanlega betra frostþol en önnur
kvæmi í tilrauninni.
Suðurland
Á Suðurlandi var tilraunin sett út á
Snæfoksstöðum og er það kvæmið
Hemnes 0-150 sem hefur mesta
meðalhæð (6. mynd) en það er þó
ekki tölfræðilega frábrugðið næstu
sex kvæmum á eftir. Lifunin var
ágæt eða um 60%.
Austurland
Á Litla Steinsvaði er kvæmið
Hemnes 150-250 með mestu
meðalhæð (7. mynd) en er ekki
tölfræðilega frábrugðið næstu tíu
kvæmum sem á eftir koma. Norsku
kvæmin eru í efstu sætunum og
finnsku kvæmin koma svo þar á
eftir. Lifunin var um 60% að jafnaði.
Í Mjóanesi er kvæmið Harstad með
mestu meðalhæð (8.mynd) en er
ekki tölfræðilega frábrugðið næstu
fimm kvæmum á eftir. Meðallifun
allra kvæma er 60% en íslensku
kvæmin sem gróðursett voru 2 árum
7. mynd. Röðun skógarfurukvæma eftir meðalhæð. Rautt eru kvæmi frá Noregi, gult
eru kvæmi frá Finnlandi, fjólublátt eru kvæmi frá Skotlandi, grænt er kvæmi frá
Rússlandi og grátt er kvæmið frá Austurríki.