Þjóðmál - 01.06.2016, Blaðsíða 17

myndi taka því vel ef í Ijós kæmi að aðrir
nytu nægilegs trausts þjóðarinnar til að
gegna emþættinu."
Hann taldi með öðrum orðum forsvaran-
legt að draga sig í hlé eftir að Davíð hafði
ákveðið að taka slaginn.
Á þessari ákvörðun Ólafs Ragnars var
þó einnig sú hlið að í Panama-skjölunum
hafði verið upplýst um fjölskyldufyrirtæki
eiginkonu hans, Dorritar. Olli þetta Ólafi
Ragnari vandræðum á heimavelli og erlendis
vegna frétta í fjölmiðlum. í viðtali við sjón-
varpsstöðina CA/A/föstudaginn 22. apríl
endurtók Ólafur Ragnar orðið„no" fimm
sinnum til að undirstrika að ekkert mundi
koma á daginn sem snerti sig í Panama-
skjölunum. Nokkrum dögum síðar var sagt
að getið væri um fjölskyldufyrirtæki forseta-
frúarinnar í skjölunum. Sagði Ólafur Ragnar
af og frá að hann hefði vitað um þetta eða
réttmætt væri að tengja sig við þetta fyrirtæki.
Hann sagði síðar að þessi vandræði hefðu
ekki ráðið ákvörðun sinni um að hætta
endanlega við framboð. í fréttum erlendra
fjölmiðla sem birtust þegar Guðni Th.
Jóhannesson var kjörinn sjötti forseti íslands
með 38,49% greiddra atkvæða var enn fullyrt
að Panama-skjölin hefðu ráðið ákvörðun
Ólafs Ragnars. Skuggi Panama-skjalanna
hvflir yfir brotthvarfi hans úr embætti hvort
sem honum líkar betur eða verr.
Úrslit forsetakosninganna að öðru leyti
voru: Halla Tómasdóttir 27,5%, Andri Snær
Magnason 14,04%, Davíð Oddsson 13,54%
og Sturla Jónsson 3,48%. Aðrir, Ástþór
Magnússon, Hildur Þórðardóttir og Guðrún
Margrét Pálsdóttir hlutu undir eitt prósent
atkvæða.
V.
Árni Páll Árnason sat sem formaður Samfylk-
ingarinnar með eins atkvæðis meirihluta að
baki sér frá 20 mars 2015 til 4. júní 2016.
Á landsfundi 2015 hlaut hann 241atkvæði
eða 49,49% en Sigríður Ingibjörg Inga-
dóttir alþingismaður 240 atkvæði eða
49,28%. Vegna þessa var staða Árna Páls
mjög veikog veiktist jafnt og þétt vegna lítils
Allt frá því að Sigríður Ingibjörg Ingadóttir gerði atlögu
að Árna Páli Árnasyni átti hann á brattan að sækja sem
formaður Samfylkingarinnar. Hann ákvað að leita ekki eftir
endurkjöri á aukalandsfundi íjúní síðastliðnum.
stuðnings við flokkinn í skoðanakönnunum.
Fór svo að 10. febrúar ákvað framkvæmda-
stjórn flokksins að boða til aukalandsfundar
4. júní í stað reglulegs fundar í mars 2017.
f aðdraganda fundarins skyldi formaður
kjörinn af almennum flokksmönnum.
Daginn eftir að ákvörðun framkvæmda-
stjórnarinnar var kynnt sagði Árni Páll í
opnu bréfi til flokksmanna sinna að fram-
kvæmdastjórnin hefði með henni brugðist
„við áskorunum ýmissa flokksmanna upp
ÞJÓÐMÁL sumarhefti 2016 15