Morgunblaðið - 03.06.2021, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 3. JÚNÍ 2021
+ + + = 19.990 kr.
A L LT ÓTA K M A R K A Ð
Fjölskyldupakkinn:
Morgunblaðið/Sigurður Bogi
Umferð Rúmur þriðjungur sagðist myndu nýta sér Borgarlínuna mán-
aðarlega eða oftar en tæpur þriðjungur sagðist aldrei myndu nýta hana.
Esther Hallsdóttir
esther@mbl.is
51 prósent svarenda í könnun
MMR taldi að bætingar á stofn-
brautakerfi borgarinnar væru lík-
legri til að draga úr umferðartöfum
á höfuðborgarsvæðinu næstu árin
en bætingar á almenningssamgöng-
um með Borgarlínu. Þriðjungur
taldi Borgarlínu líklegri til að
draga úr töfum en 16 prósent tóku
ekki afstöðu.
Þá töldu 44 prósent svarenda að
til væru hagkvæmari leiðir til að ná
jafn góðum eða betri árangri við að
bæta almenningssamgöngur en
uppbygging Borgarlínu. 14 prósent
töldu það ekki en 42 prósent tóku
ekki afstöðu.
40% svarenda leist mjög eða
frekar vel á framkomnar hugmynd-
ir um Borgarlínu en 34% leist mjög
eða frekar illa á þær. Rétt rúmur
þriðjungur taldi sig myndu nýta
hana mánaðarlega eða oftar en
tæpur þriðjungur sagðist aldrei
myndu nýta hana.
Andstaða við fækkun
akreina fyrir bíla
65 prósent svarenda sögðust
mjög eða frekar andvíg fækkun ak-
reina á Suðurlandsbraut fyrir bíla
úr fjórum í tvær til að rýmka fyrir
uppbyggingu Borgarlínunnar.
Áætlað er að Suðurlandsbraut
verði með tvöfaldri Borgarlínu-
braut fyrir miðju og einni akrein
fyrir bíla sitt hvorum megin. Meiri-
hluti svarenda var hins vegar mjög
eða frekar hlynntur lagningu
stokks fyrir bílaumferð neðanjarð-
ar.
Þá var ríflegur meirihluti andvíg-
ur lækkun hámarkshraða á borg-
argötum en fjórðungur var hlynnt-
ur þeim. Meirihluti svarenda var
einnig andvígur fjölgun hraðahindr-
ana til að draga úr hraða á götum.
Könnunin var framkvæmd 7. til
12. maí og svarendur voru 611 ein-
staklingar 18 ára og eldri búsettir á
höfuðborgarsvæðinu.
Andstaða við fækkun akreina
- 40% líst vel á Borgarlínu - Meirihluti telur bætingar á stofnbrautum líklegri til að minnka tafir
Mjög góð
kjörsókn í
Reykjavík
„Kjörsóknin hef-
ur verið mjög góð
til þessa og nokk-
uð stöðugur
straumur í Val-
höll undanfarna
daga,“ segir
Kristín Edwald,
formaður yfir-
kjörstjórnar
Varðar, full-
trúaráðs sjálfstæðisfélaganna í
Reykjavík. Þrátt fyrir að hið eig-
inlega prófkjör sjálfstæðismanna í
borginni hefjist ekki fyrr en á morg-
un hefur utankjörfundaratkvæða-
greiðsla staðið yfir síðan 21. maí og í
þessari viku hefur hún staðið fram á
kvöld. „Skýringin er sjálfsagt þessi
langa utankjörfundaratkvæða-
greiðsla,“ bætir hún við.
Að sögn Kristínar hafa um ellefu
hundruð manns greitt atkvæði nú
þegar, sem hlýtur að teljast harla
gott í ljósi þess að í síðasta prófkjöri
flokksins í borginni árið 2016
greiddu alls 3.430 atkvæði.
Kosið verður um 6-8 efstu sætin í
prófkjörinu, sem fram fer 4. og 5.
júní. Kosið verður á fimm stöðum í
borginni: í Valhöll, Háaleitisbraut 1;
Hraunbæ 102b; Hverafold 3; Hótel
Sögu við Hagatorg; og í Álfabakka
14a, milli kl. 10 og 18 báða daga.
13 eru í framboði: Áslaug Arna
Sigurbjörnsdóttir, Birgir Ármanns-
son, Birgir Örn Steingrímsson,
Brynjar Níelsson, Diljá Mist Ein-
arsdóttir, Friðjón R. Friðjónsson,
Guðlaugur Þór Þórðarson, Herdís
Anna Þorvaldsdóttir, Hildur Sverr-
isdóttir, Ingibjörg H. Sverrisdóttir,
Kjartan Magnússon, Sigríður Á.
Andersen og Þórður Kristjánsson.
Kristín Edwald
- Prófkjör sjálfstæð-
ismanna í Reykjavík
„Það er farin að koma smá dyngjulögun á
þetta,“ sagði Þorvaldur Þórðarson, prófessor í
eldfjallafræði við Háskóla Íslands, um eldgosið
í Geldingadölum. Hraun rennur nú inn í Geld-
ingadali, í Meradali og suður í Nátthaga.
„Það er orðið rosalega flott helluhraunið
niðri í Meradölum. Strúktúrarnir sem hafa
myndast þegar hraunið hefur tjakkað sig upp
eru alveg stórkostlegir. Ég hef aldrei séð neitt
því líkt áður, hvorki hér né á Havaí,“ sagði
Þorvaldur. Hann sagði að jaðarinn á hrauninu í
Meradölum hefði lyfst um allt að einn metra.
„Landslagið stoppar ekkert þetta hraun. Það
lyftir sér yfir hindranir og heldur áfram í ró-
legheitunum. Helluhraunið flæðir yfir óslétta
hraunið eins og ekkert sé.“
Mikil myndun á helluhrauni í Meradölum
sýnir að flutningsrásirnar eru betur einangr-
aðar en þær voru. Hraunið tapar mjög litlum
hita á leiðinni. Ótrúlegur gangur hefur verið í
hrauninu þar. Helluhraunið er komið eiginlega
alveg austast í dalinn og miklu lengra en úfna
hraunið náði. Hæð hraunsins í Geldingadölum
er farin að nálgast hæð gígsins. Víða um dalinn
brjótast fram yfirhlaup. „Það er greinilega
hraunkvika undir þessu öllu saman,“ sagði Þor-
valdur. Hann sagði að sér kæmi ekki á óvart að
hraunið leitaði suður úr Geldingadölum áður
en það fer yfir vestari stífluna ofan við Nátt-
haga. Það gæti mögulega farið suður eftir
gönguleiðinni og niður í Nátthagakrika haldi
eldgosið áfram.
gudni@mbl.is
Hraunið veður yfir allt
- Helluhraun breiðist yfir Meradali - Hraunið lyftir sér yfir hindranirnar
Morgunblaðið/Einar Falur