Morgunblaðið - 03.06.2021, Síða 22

Höskuldur Daði Magnússon
hdm@mbl.is
„Auðvitað er alltaf einn og einn sem
fer ekki eftir einu eða neinu, því mið-
ur,“ segir Ásgerður Halldórsdóttir,
bæjarstjóri á Seltjarnarnesi.
Nýverið var lögð fram í skipulags-
og umferðarnefnd bæjarins skýrsla
um ökuhraða á Norðurströnd. Gatan
liggur frá mörkum Reykjavíkur til
móts við Eiðistorg og út að hinu vin-
sæla útivistarsvæði Gróttu. Mikil
umferð er um götuna, eða um 29 þús-
und bílar í báðar áttir þá daga sem
skýrslan tekur til, og sýnir hún svart
á hvítu að nokkuð skortir á að há-
markshraði sé virtur. Hámarkshraði
við Norðurströnd er 50 km á klukku-
stund en hann var lækkaður úr 60
fyrir rúmu ári að sögn Ásgerðar.
Skýrslan sýnir að meðalhraði á göt-
unni er á bilinu 52-54 km á klukku-
stund dag hvern. Þessar tölur ná líka
til hjólreiðamanna sem lækka með-
alhraðann en algengur hraði bíla er
60-70 km á klukkustund. Tvisvar í
sömu vikunni óku ökumenn á 151
kílómetra hraða um Norðurströnd
sem er yfir þreföldum hámarks-
hraða.
„Það er alveg með ólíkindum.
Þetta hlýtur að vera aðkomufólk,
Vesturbæingar að keyra út í Gróttu
til að sjá sólarlagið,“ segir Ásgerður
í léttum tón. Hún segir þó að um-
ræddar tölur séu áhyggjuefni og vilji
sé til þess að lækka umferðarhraða í
sveitarfélaginu. Ekki hafa verið
teknar neinar ákvarðanir varðandi
Norðurströnd en á áðurnefndum
fundi umferðarnefndar var sviðs-
stjóra falið að kanna til hvaða hraða-
lækkandi aðgerða sé hægt að grípa
við götuna.
Eins og kom fram í Morgun-
blaðinu á dögunum var nýverið
ákveðið að lækka hámarkshraða á
Lindarbraut og Nesvegi úr 50 km á
klukkustund niður í 40. Þær götur
eru skilgreindar sem safngötur,
meginleiðir innan hverfa sem flytja
umferð frá húsagötum að tengi-
brautum. Þá var hámarkshraði á
kafla við Suðurströnd, við skóla, leik-
skóla og íþróttamiðstöð, lækkaður í
30 km á klukkustund.
„Þetta er þróun sem maður sér í
öllum bæjarfélögum. Það er verið að
huga að öryggi gangandi og hjólandi
vegfarenda. Þarna eru börn á ferð
sem sækja skóla og íþróttir,“ segir
Ásgerður.
Morgunblaðið/Árni Sæberg
Hraðakstur Við Norðurströnd á Seltjarnarnesi sýna mælingar að ökumenn virða ekki hámarkshraða.
Óku á 151 þar sem
hámarkshraði er 50
- Hraðamælingar á Nesinu - Hafa lækkað hámarkshraða
22 FRÉTTIRInnlent
MORGUNBLAÐIÐ FIMMTUDAGUR 3. JÚNÍ 2021
Leðursandali herra
SMÁRALIND
www.skornir.is
30-70% afsláttur
af kauphlaups skóm
Kíktu á tilboðin á: skornir.is
Afslátturinn gildir til 7. júní 2021
Netverslun
skornir.is
Kauphlaup
Kauphlaupsverð
6.497
Verð áður 12.995
Stærðir 40-46
Staða löggæslu á Íslandi hefur
versnað til muna síðan stytting
vinnuvikunnar tók gildi 1. maí. Þetta
kemur fram í ályktun frá stjórn
Landssambands lögreglumanna
(LL).
Lögreglumenn eru óánægðir með
að fjármálaráðuneytið hafi ekki enn
tekið ákvörðun um að auka fjármagn
til lögreglunnar, enda var mannekla
þekkt vandamál áður en samið var
um styttri vinnuviku fyrir vaktafólk.
Vandinn er tvíþættur. Annars
vegar eru of fáir lögreglumenn við
störf og hins vegar er hlutfall lærðra
lögreglumanna allt of lágt. Vilja lög-
reglumenn því að ríkið ráði fleiri til
starfa og leggi aukið fé í menntun
þeirra.
Við styttingu vinnuvikunnar voru
vaktir styttar úr 12 klukkustundum
niður í 8. Við það myndaðist mönn-
unargat. Í kjarasamningi lögregl-
unnar við fjármálaráðuneytið sagði
að þetta mönnunargat yrði bætt.
Samkvæmt útreikningi sem gerður
var fyrir lögregluna þyrfti að bæta
við 75 stöðugildum til þess að ná því.
Hefur það ekki verið gert.
Fjölnir Sæmundsson, formaður
LL, segir að ríkið hafi vanáætlað
kostnaðinn við þessar aðgerðir stór-
lega. Hann segir að um samnings-
brot sé að ræða og að eftir standi
óviðunandi ástand, með allt of fáum
lögreglumönnum og allt of háu hlut-
falli ófaglærðra. Hann bendir á að
þessi staða sé bæði hættuleg fyrir
lögreglumenn og fyrir almenning í
landinu sem á að geta treyst á lög-
regluyfirvöld þegar svo ber undir.
Í ályktun frá LL segir að lög-
reglumenn krefjist þess að ráða-
menn standi við gerða samninga og
veiti nauðsynlegt fjármagn til að
manna lögregluna með viðunandi
hætti. thorab@mbl.is
Þarf 75 lögreglu-
þjóna í viðbót
Morgunblaðið/Hari
Lögreglan. Nú eru lögreglumenn of
fáir og hlutfall ófaglærðra of hátt.
- Styttri vinnu-
vika - Mannekla
og samningsbrot
Ari Páll Karlsson
ari@mbl.is
Svitalyktareyðir, tannhvítur og fleiri
vörur er snúa að mannlegu hreinlæti
og huggulegheitum fljúga nú úr búð-
arhillum í Bandaríkjunum í kjölfar
tilslakana þarlendis, segir í sam-
antekt Wall Street Journal. Lítið
hefur verið um hittinga og því skilj-
anlegt að margir vilji fínpússa sig
áður en haldið er inn í siðmenn-
inguna að nýju.
Þegar tilkynnt var fyrir nokkrum
vikum í Washington-borg að klúbbar
og barir mættu opna að nýju í júní
hafa eflaust margir hugsað að tím-
inn væri naumur. Nú þyrfti að hafa
hraðar hendur í að gera sig til. Í
kjölfarið stórjókst sala á svitalykt-
areyðum, ilmvötnum, tannhvítum og
smokkum.
Óhætt er að segja að þessi mikla
söluaukning minni örlítið á ákveðna
kauphegðun í upphafi faraldursins
er snýr að klósettpappír, en virðist
þó hóflegri í þetta skiptið.
Ekki raunin hérlendis
Morgunblaðið heyrði í nokkrum af
stærstu verslanakeðjum landsins til
að grenslast fyrir um hvort svipað
mynstur væri hér. Svo var ekki en
þó margt annað áhugavert sem kom
í ljós. Þar má nefna að í upphafi
heimsfaraldursins á síðasta ári jókst
sala Samkaupa á sturtusápum,
hreingerningarvörum, andlits-
kremum ásamt bómull og sú sala er
enn að aukast þrátt fyrir tilslakanir.
Auk þess má sjá sölutölur rjúka upp
í sólarvörum.
Sigurður Reynaldsson, fram-
kvæmdarstjóri Hagkaupa, segir sölu
á snyrtivörum hafa haldist stöðuga
síðasta árið og það megi líklegast
skýra af því að ekki hafi verið gripið
til útgöngubanns hérlendis líkt og í
fjölmörgum löndum. Hann tekur þó
fram að sala fínni snyrtivara hafi
aukist nú þegar umferð í Leifsstöð
er orðin meiri.
Guðmundur Marteinsson, fram-
kvæmdastjóri Bónuss, tekur í sama
streng og segist telja að Ísland sé
aðeins frábrugðið öðrum löndum,
hér hafi fólk verið minna frjálst
ferða sinna en þó ekki í út-
göngubanni. Hann bætir auk þess
við að mikil söluaukning hafi verið í
sápum þegar heimsfaraldurinn
hófst.
Fólk spennt fyrir því að byrja
að lifa lífinu að nýju
Þó svo aldrei hafi verið gripið til
útgöngubanns hérlendis líkt og í
Bandaríkjunum, og snyrtivörusalan
hafi haldist stöðug, er óhætt að segja
að fólk sé spennt fyrir því að lifa líf-
inu að nýju. Tilslakanir voru síðast
þann 26. maí en þá máttu 150 manns
koma saman. Þær næstu verða 16.
júní og eflaust margir sem vilja fága
sig fyrir það. Ætli tannhvíturnar
fljúgi út fyrir þjóðhátíðardaginn?
Snyrtivörur
rjúka úr hillum
vestanhafs
- Sala stóreykst í kjölfar tilslakana
- Annað mynstur sagt hérlendis
AFP
Verslun Einkaneysla hefur tekið
breytingum í heimsfaraldrinum.