Morgunblaðið - 03.06.2021, Blaðsíða 26

VIÐTAL
Helgi Bjarnason
helgi@mbl.is
„Fyrsta framleiðslan var tilbúin 12.
maí. Þá fór ég með fyrstu sending-
arnar í Vínbúðir ÁTVR. Fólk reif
þetta út svo verslanirnar höfðu varla
undan að panta meira. Ég fór nokkr-
ar ferðir og í síðustu ferð þurfti ég að
hafa sendiferðabíl,“ segir Pétur Pét-
ursson, mjólkurfræðingur og frum-
kvöðull, sem hefur hafið framleiðslu
á rjómalíkjörnum Jöklu úr íslenskri
mjólk. Hann er ánægður með fyrstu
viðtökur vörunnar sem hann hefur
lengi verið að þróa.
Þetta er í fyrsta skipti sem áfeng-
ur drykkur er unninn úr íslenskri
mjólk. Raunar er stærsti hluti hrá-
efnisins úr mjólk því vínandinn er
gerður úr ostamysu, vonandi ís-
lenskri mysu innan tíðar. Verið er að
koma þannig framleiðslu upp í nýrri
verksmiðju sem Kaupfélag Skagfirð-
inga og Mjólkursamlag KS eru að
koma upp á Sauðárkróki. Þar til hún
verður tilbúin er notaður innfluttur
vínandi.
Hugmynd fæddist á Ítalíu
„Ég hef gengið með þetta í mag-
anum í langan tíma. Fékk hugmynd-
ina þegar ég var í skíðaferð á Ítalíu
um áramótin 2007 og 2008 og við
borðuðum á veitingastað hjá kúa-
bónda. Hann kom með hrímaða
könnu úr frystinum og sagði að allir
sem borðuðu hjá sér fengju að
smakka heimagerðan mjólkurlíkjör.
Ég spjallaði mikið við bóndann.
Hann var með kýr í fjósi og ræktaði
sítrónur og notaði þessi hráefni í
líkjörinn. Þetta var heimilislegt og ég
fór strax að hugsa að þetta væri eitt-
hvað fyrir okkur heima,“ segir Pétur.
Pétur fór að skoða málið, byrjaði
að hræra eitthvað saman í pottum í
eldhúsi sínu í Mosfellsbæ til að finna
réttu bragðefnin og blönduna. Þar
kom menntun hans og starfsreynsla
að góðum notum. Á árinu 2012, eftir
ófá matarboð þar sem gestirnir
sögðu álit sitt á drykknum, taldi
hann sig vera kominn á bragðið og
fór að huga að framleiðslu. Hann
varð að ljúka rannsóknunum erlendis
og fullhanna vöruna þar.
Framleitt á Sauðárkróki
Mjólkursamsalan var ekki með
réttu tækin til að framleiða þessa
vöru en Pétur segir að mjólkur-
samlagið á Sauðárkróki hafi ákveðið
að koma til móts við hann með því að
breyta tækjum og taka framleiðsluna
að sér. Þar er Jökla rjómalíkjörinn
framleiddur. Segist Pétur bíða
spenntur eftir því að framleiðsla hefj-
ist þar á alkóhóli úr ostamysu. Þá
verði nánast allt hráefnið íslenskt.
Rjómalíkjörinn er með 15% alkó-
hólinnihaldi. Hann er talinn sér-
stakur, ólíkur öllum öðrum líkjörum
og hefur að sögn Péturs mælst vel
fyrir. Notaður er nýr rjómi við fram-
leiðsluna. Pétur leitar ekki langt yfir
skammt með bragðefnin, notar
lakkrís og súkkulaði sem fellur vel að
bragðlaukum flestra Íslendinga.
Vinna saman að verkefninu
Pétur og Sigríður Sigurðardóttir,
kona hans, standa að fyrirtækinu
Jöklavin sem framleiðir drykkinn.
„Við hjónin vinnum þetta saman. Það
er skemmtilegt og auðvelt að vera
frumkvöðull. Hitt er miklu meira mál
að halda utan um pappírana og
kostnað. Sigríður er viðskiptafræð-
ingur og sér um þá þætti á kvöldin,
eftir vinnu,“ segir Pétur.
Viðtökurnar hafa veitt honum orku
til að færa út kvíarnar. Rjómalíkjör-
inn er á boðstólum í sex Vínbúðum
ÁTVR á höfuðborgarsvæðinu og
Suðurlandi og á örfáum veitinga-
stöðum og vonast Pétur til að hann
muni fara víðar. Sniðugt sé fyrir veit-
ingastaði að bjóða upp á íslenskan
líkjör.
Þá telur hann að Jökla sé það sér-
stök vara að hún gæti átt möguleika á
erlendum markaði. Það sé mikið
verkefni og bíði síðari tíma að huga
að möguleikum á þeim vettvangi.
„Við erum í því núna að koma þessu
skammlaust á markað hér heima,“
segir Pétur.
Líkjör úr íslenskri mjólk á markað
- Notaður er íslenskur rjómi í líkjörinn Jöklu og vínandinn verður brátt einnig framleiddur úr
íslenskum mjólkurafurðum - Frumkvöðullinn hefur gengið með hugmyndina í maganum í 13 ár
Morgunblaðið/Golli
Með afurðina Sigríður Sigurðardóttir og Pétur Pétursson eru ánægð með rjómalíkjörinn sinn Jöklu.
Tilraunir Pétur Pétursson þurfti að gera óteljandi tilraunir í eldhúsinu
heima í Mosfellsbæ, áður en hann datt niður á réttu uppskriftina.
26 FRÉTTIRInnlent
MORGUNBLAÐIÐ FIMMTUDAGUR 3. JÚNÍ 2021
Trönuhrauni 8, Hafnarfirði, stod.is
LÉTTU
ÞÉR LÍFIÐ
Fagfólk STOÐAR veitir nánari
upplýsingar og ráðgjöf.
Sturtustólar og kollar í
miklu úrvali með og án
snúningsdisks.
Einfaldir í notkun, með
hæðarstillanlegum
og stöðugum fótum.
Verð frá: 9.350,-
Opnuð var í Tryggvaskála á Selfossi í
gær sögusýning á ýmsu því sem teng-
ist þessari elstu byggingu bæjarins.
Elsti hluti hússins var reistur árið
1891, sem vinnubúðir verkamanna
sem þá dvöldust á Ölfusárbökkum og
reistu fyrstu brúna yfir ána. Tryggva-
skáli var húsið nefnt eftir Tryggva
Gunnarssyni bankastjóra, sem hafði
tekið brúarsmíðina að sér. Laust eftir
aldamótin 1900 var opnuð veitinga-
sala í húsinu, þar var gististaður og
svo framvegis. Sú starfsemi varði í
áratugi.
Selfossbær eignaðist Tryggvaskála
árið 1974 og þar var ýmis starfsemi.
Þrefað var um framtíðarhlutverk
hússins, sem var þegar fram liðu
stundir komið í bágborið ásigkomu-
lag. Sveitarfélagið taldi sér ekki fært
að ráðast í endurgerð, og því varð úr
að stofnað var Skálafélagið og seinna
Sjálfseignarstofnunin Tryggvaskáli.
Formleg stofnun hennar var vorið
1998 og þá hófst endurgerð hússins,
sem bræðurnir Gísli og Guðmundur
Kristjánssynir á Eyrarbakka stýrðu.
Verkefnið var tekið í áföngum en
reynt var að taka hluta hússins í notk-
un eftir því sem verkinu vatt fram.
Árið 2013 var svo gerður samningur
við Sveitarfélagið Árborg um leigu-
og framleigurétt þess. Nú er veitinga-
staður í húsinu, auk þess sem salar-
kynnin eru leigð út til mannamóta og
fundahalda. Sögusýning er á neðri
hæð Tryggvaskála, verður uppi um
óákveðinn tíma. Hönnuður hennar er
Björn G. Björnsson hjá Leikmynd
ehf. sbs@mbl.is
Morgunblaðið/Sigurður Bogi
Tryggvaskáli Stendur við Ölfusárbrú og elsti hlutinn er frá árinu 1891.
Sagan í Skálanum
- Sýning í elsta húsi Selfossbæjar
Á upphafsárunum var Pétur að
gera tilraunir með vanillukorn
og rjóma. Þegar hann hristi til-
raunaglasið sá hann fyrir sér
hvítfyssandi jökulá með sand-
kornum. „Þá hugsaði ég að
þetta væri eins og stórbrotin
jökulá á Íslandi og nafnið kom
sjálfkrafa upp í kollinn á mér;
Jökla,“ segir Pétur. Tilvísunin til
jökulárinnar hélst þótt skipt
væri um bragðefni.
Líkt hvítfyss-
andi jökulá
NAFNIÐ