Morgunblaðið - 03.06.2021, Qupperneq 32

32 FRÉTTIRInnlent
MORGUNBLAÐIÐ FIMMTUDAGUR 3. JÚNÍ 2021
32
Til hamingju - þú hefur fundið happatöluna!
Farðu inn á mbl.is/happatala, fylltu út upplýsingar um þig og sláðu inn Happatöluna.
Vinningshafar verða dregnir út í þættinum Ísland Vaknar á K100 í fyrramálið.
Að sjálfsögðu hvetjum við þig til að tala þátt á hverjum fimmtudegi, því það er til mikils að vinna.
Höskuldur Daði Magnússon
hdm@mbl.is
Veitingamennirnir Kormákur Geir-
harðsson og Skjöldur Sigurjónsson á
Ölstofunni fagna því í þessari viku að
ellefu ár eru síðan húsbjór þeirra,
Bríó, var fyrst reiddur fram. Óhætt
er að segja að afmælinu sé fagnað
með stæl því nú kynna þeir til leiks
sumarútgáfu bjórsins vinsæla, Bríó
de Janeiro.
„Þetta var hugmynd sem Skjöldur
fékk fyrir nokkrum árum. Okkur
langaði að gera annan bjór og þetta
nafn kom upp úr honum. Því miður
var Ölgerðin of sein að kveikja á
þessu fyrir Ólympíuleikana í Rio de
Janeiro en stjórnendur þar stukku á
vagninn með okkur núna. Ég held að
þeir sjái ekki eftir því, ekki frekar en
öðru sem þeir gera með okkur,“ seg-
ir Kormákur.
Þeir félagar eru þekktir fyrir að
klæðast sígildum herrafötum og því
er léttur bjór og sumarstemning
ekki það fyrsta sem kemur upp í
hugann þegar nafn þeirra ber á
góma.
„Nei, en ég fer nú samt ekki í
sterkari bjóra en Bríóinn, ég sæki
frekar í léttari bjóra. Það er gott að
fá kalda og ferska bjóra við þorsta og
Bríó de Janeiro er þannig. Ég held
að við höfum hitt á eitthvað með
bruggmeisturunum hjá Borg, þetta
er alger negla. Hann er hættulega
ferskur þessi og kallar á hrað-
drykkju, helvítið á honum. Ætli við
getum ekki kallað það lúxusvanda-
mál?“
Það er tímanna tákn að Bríó de Ja-
neiro kemur á markað í tveimur út-
gáfum. Þeirri hefðbundnu og áfengu
sem komin er í sölu á Ölstofunni ein-
um staða í þessari viku. Og svo er
það óáfeng útgáfa sem nálgast má í
matvöruverslunum. Óáfengir bjórar
njóta sífellt meiri vinsælda hér á
landi og Kormákur segir þá félaga
taka þeirri þróun opnum örmum.
„Ég þekki marga alkóhólfría
menn sem finnst gaman að sitja á
bar. Þeim finnst leiðinlegt að sitja
bara með vatn, klaka og sítrónu en
eru frekar til í þennan fíling að fá
bjór í glasi án þess að eiga það á
hættu að þurfa að fara aftur í með-
ferð. Ég er sjálfur farinn að drekka
áfengislausa bjóra heima þegar Bríó-
inn er búinn. Það er gott að klára
kvöldið þannig, þá finnur maður ekki
muninn.“
Ellefu ára afmæli Bríós er ekki
eina tilefnið sem þeir Kormákur og
Skjöldur hafa til að fagna í ár. „Við
fögnum 20 ára afmæli Ölstofunnar í
nóvember og sama dag fögnum við
25 ára afmæli herrafataverslunar-
innar. Það verður mikið fagnað í ár,“
segir veitingamaðurinn.
Hann bætir við að það veiti
kannski ekki af eftir erfiða tíma síð-
ustu misseri. Kórónuveiran og sam-
komutakmarkanir hafa sett svip sinn
á veitingareksturinn. „Við misstum
úr marga mánuði og þegar það hefur
verið opið höfum við misst stærstu
söluklukkutímana. Af þeim sökum
hirðum við alla bitlinga sem koma frá
Þórólfi en mér líst ekki á þessar hug-
myndir sem eru á lofti um að stytta
afgreiðslutíma á skemmtistöðum.
Man enginn hvernig þetta var einu
sinni? Heldur fólk virkilega að ungir
Íslendingar nenni heim klukkan eitt
eða tvö á nóttunni? Við getum ekki
breytt drykkjumynstrinu svo glatt.
En það er nú svo skrítið með lýðræð-
ið að ef yfirvaldið tekur eitthvað af
þér getur verið rosalega erfitt að fá
það til baka,“ segir Kormákur sem
kveðst þó, þrátt fyrir þessar áhyggj-
ur, vera léttur og hress nú þegar
vikulokin nálgast og nýr og spenn-
andi Bríó de Janeiro renni úr dæl-
unum á Ölstofunni. „Já, nú fögnum
við. Sumarið er komið og lífið er ynd-
islegt!“
Það verður mikið fagnað í ár
- Kormákur og Skjöldur á Ölstofunni ánægðir með sumarbjórinn Bríó de Janeiro á afmælisári sínu
Ljósmynd/Hari
Sumarstemning Félagarnir Kormákur og Skjöldur klæddu sig í sumarfötin í gær og skáluðu í Bríó de Janeiro.
Skrifstofu- og frumkvöðlasetur sem
opnað var í Stykkishólmi annan
dag hvítasunnu fékk nafnið Árna-
setur og vísar það til og heiðrar
minningu Árna Helgasonar sem
vann á árum sínum mikið frum-
kvöðulsstarf í Stykkishólmsbæ.
Húsnæðið, gamla Arionbanka-
húsið, er í eigu Sæfells hf. í Stykk-
ishólmi en rekstur Árnaseturs er á
vegum Suðureyja ehf.
Í tilefni vígslu setursins var efnt
til samkeppni um nafn á starfsem-
inni. Alls bárust 66 tillögur og var
nafnið Árnasetur valið. Það var
Hanna Jónsdóttir sem hreppti
fyrstu verðlaun en hún var dregin
út af þeim fjórum sem lögðu nafnið
til.
Fjölmenni var við opnun Árna-
seturs. Í upphafi dagskrár lék
lúðrasveit Tónlistarskóla Stykk-
ishólms. Ávörp voru flutt og gest-
um boðið að skoða húskynnin.
Að sögn Gunnlaugs Árnasonar,
sonar Árna Helgasonar og fram-
kvæmdastjóra Sæfells, var félagið
Suðureyjar stofnað sl. haust með
það að markmiði að auðvelda frum-
kvöðlastarf og tækifæri til fjar-
vinnu, óháð aðsetri vinnuveitanda,
og stuðla að því að fjölga íbúum
Stykkishólms. Einnig verður boðið
upp á skrifstofurými fyrir minni
fyrirtæki eða stofnanir.
Húsnæðið er stórt, á þremur
hæðum, og getur því hýst fjöl-
breytta starfsemi þar sem leigj-
endur hafa sameiginlega kaffistofu
og fundarherbergi. Innan þessara
veggja getur fólk sem stundar mis-
munandi störf notið samveru-
stunda og fengið hvatningu hvað
frá öðru.
Gerbreyttar aðstæður
Búnaðarbanki Íslands byggði
húsið og hóf starfsemi árið 1968.
Síðan þá hefur verið rekið þar
bankastarf undir nokkrum nöfnum
þar til í síðasta mánuði að Arion
banki flutti í minna húsnæði. Áður
fyrr voru starfsmenn bankans
margir en undir það síðasta voru
þeir orðnir tveir, að sögn Gunn-
laugs. Hann segir þetta dæmi um
hvernig tækni, framfarir og tölvu-
vinnsla hafi gjörbreytt aðstæðum.
Ný störf skapist sem krefjist
menntunar og frumkvæðis. Það sé
von þeirra sem að verkefninu
standa að Árnasetur skapi nýjan
vettvang fyrir frjóar hugsanir og í
þessu húsi muni áræði og aflið til
framkvæmda ráða ríkjum.
Þeir sem áhuga hafa á að nýta
sér starfsaðstöðuna í Árnasetri
geta haft sambandi við forsvars-
menn Suðureyja.
Árnasetur
tekur til starfa
í Stykkishólmi
Morgunblaðið/Gunnlaugur Árnason
Forsvarsmenn Suðureyja Sigríður Jóhannesdóttir, Sigþór Einarsson, Steinunn Helgadóttir og Halldór Árnason.
Nýtt hlutverk Bankinn hefur kvatt húsið og Árnasetur tekið við.
- Markmiðið að auðvelda frumkvöðla-
starf og gefa tækifæri til fjarvinnu