Morgunblaðið - 03.06.2021, Page 44

44
UMRÆÐAN
MORGUNBLAÐIÐ FIMMTUDAGUR 3. JÚNÍ 2021
Í vikunni barst mér tölvu-
póstur frá kennara þess efnis að
Flataskóli muni taka þátt í
verkefni með UNICEF. Fjár-
öflun fyrir UNICEF og fræðsla
um réttindi barna samkvæmt
Barnasáttmálanum „virkja þau
til samstöðu með jafnöldrum
sínum um allan heim“. Svo er
talað um „mynd sem þau eiga
að sjá sem fjallar um sögu og
mikilvægi bólusetninga fyrir
börn og hvers vegna það er
mikilvægt að tryggja að öll börn fái slíka vörn
gegn lífshættulegum sjúkdómum“. Ævar Þór
Benediktsson, sendiherra UNICEF, fær
hjálp hjá Þórólfi sóttvarnalækni og Nadíu
Lóu, formanni ungmennaráðs UNICEF á Ís-
landi, til að ræða þetta áhugaverða málefni,
segir einnig í póstinum.
Þetta vil ég gagnrýna. Ég set spurning-
armerki við gagnsemi þess að sýna níu ára
krökkum upplýsingamyndbönd um bólusetn-
ingar þar sem þau hafa ekki forsendur til að
kynna sér málið frá öðrum hliðum. Það eru
vaxandi áhyggjur um tilgang og gagnsemi
bólusetninga og ekki síst í dag þegar við horf-
um upp á að gripið hefur verið til þess ráðs að
reyna mRNA-líftæknimeðferð fyrir sem
flesta við veiru sem vegur ekki fleiri en flensa
hefur gert í gegnum tíðina. Jafnvel hefur
maður heyrt að standi til að sprauta börn
„fyrir“ þessum vírus sem snertir þau ekki og
telja verður í besta falli vafasamt. Er tíma-
setningin á þessu myndbandi kannski ekki
tilviljun? Það er að sjálfsögðu í höndum for-
eldra og aðstandenda að taka ákvarðanir fyr-
ir hönd ólögráða einstaklinga um þau mál
sem tengjast heilsu og inngripi af því tagi
sem bólusetning er í ónæmiskerfi barna en
það er hætta á að einhliða um-
fjöllun eins og sú sem hér er á
dagskrá muni kalla fram ein-
hliða umræðu og viðbrögð hjá
börnum sem ekki hafa tækifæri
né aðgang að fleiri hliðum á
þessum mikilvægu og alvarlegu
málum sem bólusetningar eru.
Hafið þið skoðað hvort um
hræðsluáróður sé að ræða í
myndbandinu? Er talað þar um
að börn geti dáið ef þau fá ekki
bólusetningu? Hver er tilgang-
urinn með því? Ég frábið mér
því að dóttur minni verði sagt
beint eða óbeint að hún geti dáið ef hún fái
ekki bólusetningar. Ég kæri mig ekki um að
greypa það viðhorf í hana.
Eitt er að hvetja börn til hreyfingar og úti-
vistar og vekja þau til meðvitundar um rétt-
indi sín sem einstaklinga, en allt annað að
fjalla einhliða um nauðsyn bóluefna í því sam-
hengi, það myndi teljast til áróðurs fremur en
fræðslu. Þar er um að ræða flókinn málaflokk
sem alls ekki allir eru á eitt sáttir um.
Ég hvet ykkur því til að endurskoða þá
ákvörðun að leyfa sýningu slíks einhliða
myndbands fyrir börn sem hafa ekki nægan
skilning á málefninu.
Eftir Kristínu Johansen
ȃg set spurningarmerki
við gagnsemi þess
að sýna níu ára krökkum
upplýsingamyndbönd
um bólusetningar. Er
tímasetningin tilviljun?
Kristín Johansen
Höfundur er móðir skólabarna.
kristin@flo.is
Opið bréf til skóla-
stjórnenda Flataskóla
Ég býð mig fram í prófkjöri
Sjálfstæðisflokksins í Reykjavík
sem haldið verður núna um helgina
og sækist eftir 3. sætinu. Það geri
ég til að hafa áhrif á hvernig sam-
félagið þróast. Ég vil að börnin mín
fái notið að minnsta kosti þeirra
tækifæra sem mín kynslóð hefur
notið. Ég vil líka að foreldrar mínir
og aðrir sem nú teljast til aldraðra
geti átt áhyggjulaust ævikvöld.
Ekkert af þessu mun gerast að
sjálfu sér.
Frelsið skiptir sköpum
Sjálfstæðisstefnan, sem byggist á ein-
staklingsframtaki og frelsi, hefur skipt sköp-
um um að gera Ísland að landi tækifæra og
velmegunar. Íslenskt samfélag þarf að stand-
ast alþjóðlega samkeppni á næstu árum og
áratugum. Við erum vel búin undir þá sam-
keppni ef við höfum sjálfstraust til að byggja
á okkar eigin trausta grunni og efumst ekki
um erindi okkar, hvort sem er í samstarfi með
eða í samkeppni við aðrar þjóðir.
Léttum byrðarnar
Velferð án verðmætasköpunar er ekki
möguleg. Fleiri traustar útflutningsstoðir,
einkum í greinum sem byggjast á hugviti og
nýsköpun, munu tryggja okkur þau lífsgæði
sem við viljum njóta. Lífsgæðin verða ekki
tekin að láni án þess að skerða þau margfalt
hjá þeim sem á eftir koma. Fjötrar á fólk og
fyrirtæki í formi skatta og annarra álaga
standa lífskjarasókn fyrir þrifum. Þessu þarf
að breyta og nú er ekki tíminn til að hika.
Lóð á vogarskálar
Ég vil helga starfsorku mína óskipta þessu
verkefni. Í störfum mínum sem hæstarétt-
arlögmaður hef ég öðlast ómetanlega innsýn í
fjölbreytta flóru íslensks
samfélags og athafnalífs. Ég
hef sem aðstoðarmaður utan-
ríkisráðherra undanfarin
þrjú ár byggt upp yfirgrips-
mikla þekkingu á alþjóða-
málum og hef mikla reynslu
af því að gæta hagsmuna Ís-
lands í alþjóðlegu samhengi.
Þá hef ég sem varaborgarfulltrúi Sjálfstæð-
isflokksins öðlast dýpri skilning á þeim mál-
um sem brenna á kjósendum í Reykjavík.
Tökum slaginn
Frelsi einstaklingsins á undir högg að
sækja. Skilningur á mikilvægi einstaklings-
frelsis og einkaframtaks fer þverrandi og
Sjálfstæðisflokkurinn hefur því miður látið
hrekja sig í vörn í mörgum grundvall-
armálum. Þetta er ekki tíminn til að gera
málamiðlanir, þetta er ekki tíminn til að gefa
eftir í von um að þurfa ekki að taka slaginn,
þetta er ekki tíminn til að draga í land.
Þvert á móti, nú sem aldrei fyrr þarf að taka
slaginn, verja einstaklingsfrelsið, gagnrýna
opinber umsvif og afskipti, og berjast gegn
forræðishyggju og ríkisvæðingu á öllum
sviðum þjóðlífsins. Það er ekkert mál að
vera fylgjandi frelsi þegar það er í tísku.
Það er miklu erfiðara en um leið mikilvæg-
ara að gera það þegar á móti blæs. Þetta er
sá tími.
Eftir Diljá Mist
Einarsdóttur
Diljá Mist
Einarsdóttir
» Frelsi einstak-
lingsins á undir
högg að sækja.
Höfundur er hæstaréttarlögmaður, aðstoðarmaður
utanríkis- og þróunarsamvinnuráðherra og fram-
bjóðandi til 3. sætis í prófkjöri Sjálfstæðisflokksins
í Reykjavík.
diljamist@gmail.com
Að hika er að tapa