Þjóðmál - 01.09.2018, Side 71

ÞJÓÐMÁL Haust 2018 69
Álit
Vinstrið er hrætt við Jordan Peterson
Kanadíski sálfræðingurinn Jordan Peterson
hefur vakið mikla athygli á undanförnum
misserum, í heimalandi sínu, í Bandaríkjunum,
í Evrópu og loks hér á landi. Peterson kom
til Íslands í byrjun júní og hélt fyrirlestra í
Norðurljósasal Hörpu. Aðsóknin fór fram úr
björtustu vonum og um 3.000 manns sáu
fyrirlestra hans. Samhliða kom metsölubók
hans, Tólf lífsreglur: Mótefni við glundroða, út í
íslenskri þýðingu.
Með einföldum hætti má segja að boðskapur
Peterson feli fyrst og fremst í sér að einstak­
lingurinn taki ábyrgð á sjálfum sér og standi
keikur fyrir gildum sínum.
Það er vissulega einföldun en í síðasta hefti
Þjóðmála gerði Þorbjörn Þórðarson frétta­
maður bók hans ágæt skil í bókarýni. Þá grein
má nú finna á vef Þjóðmála.
Hægt er að fjalla um boðskap Peterson í
löngu máli og út frá ýmsum sjónarmiðum.
Það sem aftur á móti vekur athygli er mikil
andúð vinstrimanna á Peterson og því sem
hann hefur að segja.
Vinstrisinnaðir stjórnmálamenn, fræðimenn
og fjölmiðlamenn beggja megin Atlants­
hafsins hafa með markvissum hætti reynt
að snúa út úr orðum hans eða grafa undan
honum með öðrum hætti.
Kanadíski sálfræðingurinn Jordan Peterson kom til Íslands í byrjun júní og hélt fyrirlestra í Hörpu. (Mynd: VB/HAG)