Þjóðmál - 01.09.2018, Side 82

80 ÞJÓÐMÁL Haust 2018
Börkur Gunnarsson
Ferð með Forman
Menning
Þegar það var hringt í mig afsakandi og ég
spurður hvort ég gæti fylgt Milos Forman í
þrjá eða fjóra daga á meðan hann væri hér
á Íslandi því hann væri að taka við heiðurs­
launum RIFF? En það væri einn hængur á,
„þú færð ekkert greitt, við erum að berjast í
bökkum“.
Þá svaraði ég: „Fæ ég ekkert greitt? Ertu að
hringja í mig um djobb sem ég fæ ekkert
greitt fyrir?“
„Já, ég skil, ekkert mál.“
„Nei, ég var að grínast. Milos Forman? Ég
myndi taka mér frí úr vinnunni alltaf til að
fylgja honum. Ég myndi segja upp vinnunni
minni til að reima skóreimarnar hans. Takk
fyrir boðið. Ég tek djobbinu á stundinni.“
Milos Forman er einn af stóru meisturum
kvikmyndaleikstjórnar síðustu aldar og
fram á þessa. Hann gerði Hárið, Slökkviliðs­
ballið, Amadeus, Fólkið gegn Larry Flynt,
Ástir blondínu, Gaukshreiðrið og ég veit ekki
hversu margar aðrar snilldarmyndir hann
gerði. Elskaður af Hollywood og þeim sem
vildu virðast gáfaðir í Evrópu. Milos Forman
var elskaður af öllum.
Ástæðan fyrir því að hringt var í mig er að ég
er sá eini á landinu sem bæði tala tékknesku
og er kvikmyndaleikstjóri og lærði í sama
skóla og hann. Orðið bæði átti reyndar ekki
lengur við í þessari setningu minni þarna
áðan þegar það þriðja kom.
Tékkneski leikstjórinn Milos Forman fæddist í Čáslav í Tékkóslóvakíu (nú Tékkland) árið 1932. Hann lést í Bandaríkjunum
í apríl á þessu ári. Hér sést hann við tökur á Gaukshreiðrinu (e. One Flew Over the Cuckoo's Nest), en hann hlaut óskars­
verðlaun fyrir leikstjórn myndarinnar.