Múlaþing: byggðasögurit Austurlands - 01.01.2009, Blaðsíða 7

HoIIur er heimafenginn baggi
Á haustmánuðum ársins 2008 urðum við íslendingar vitni að því, að á skammri
stundu hrundi íslenskt ijánuálakerfí eins og spilaborg. Hinir svokölluðu útrásar-
víkingar, sem hampað hafði verið undanfarin ár sem fjármála- og viðskipta-
snillingum, höfðu skuldsett bankakerfið þannig að allir íslensku bankamir stóðu
orðið á brauðfótum. Það er ofar skilningi almennings að svona nokkuð geti
gerst.
Ekki er séð fyrir endann á því hver heildaráhrif efnahagshrunsins verða og
hvernig þetta fer með íslenskt samfélag. Atvinnuleysi eykst, fyrirtæki leggja
upp laupana og margar ljölskyldur lenda í greiðsluerfíðleikum.
Það sem við íslendingar getum gert er að læra af mistökunum og koma í veg
fyrir að svona gerist aftur. Nú verðum við að treysta innviði samfélagsins og
vinna okkur saman út úr þessum þrengingum.
Við aðstæður sem þessar kemur í ljós mikilvægi þess að hafa öflugan
íslenskan landbúnað, það sem framleitt er á Islandi er gulls ígildi. Það þarf ekki
gjaldeyri til að kaupa þær vömr firá öðrum löndum. Það er á stundum sem
þessum sem allir virðast skilja mikilvægi þess að efla og standa vörð um það
sem íslenskt er, en margir gleyma því svo í annan tíma.
Vonandi tekst okkur íslendingum að byggja á ný upp öflugt og sterkt
samfélag, við höfum áður staðið frammi fyrir erfiðleikum af ýmsum toga og þá
hefur íslensk þrautseigja og bjartsýni reynst okkur vel.
Þetta hefti Múlaþings sem hér lítur dagsins ljós er hið síðasta sem Amdís Þorvaldsdóttir
ritstýrir ásamt undirrituðum. Vil ég þakka henni mjög gott samstarf á þeim ámm sem við höfúm
saman séð um ritstjómina.
Þetta 35. hefti Múlaþings ber ártalið 2008-9 og mun því næsta hefti koma út árið 2010.
Komið hefur í ljós að vegna ýmissa aðstæðna er hentugra að útgáfútími ritsins sé í byrjun árs
og var því ákveðið í samráði við ritstjóm að haga málum á þennan hátt.
Rannveig Þórhallsdóttir á Seyðisfirði, rithöfundur með meiru, hefúr tekið sæti sem nýr
ritstjóri Múlaþings.
JGG
5