Múlaþing: byggðasögurit Austurlands - 01.01.2009, Blaðsíða 77

Kvenfélagið Vaka á Djúpavogi 80 ára
Frá bolludegi 1996. Rjóminn settur í bollurnar sem fyrirtœkin kaupa. F.v. Erna Einardóttir, Svandís
Kristinsdóttir, Guðný Ingimundardóttir og Hanna Antonía Guðmundsdóttir. Eigandi myndar:
Bryndís Jóhannsdóttir.
hefur alltaf runnið óskiptur til bamanna á
staðnum í einhverri mynd. Til dæmis hefur
leikskólinn Bjarkatún fengið ágóðann til að
kaupa leiktæki og annað sem komið hefur
börnunum vel og Tónskólinn hefur fengið
peninga til að kaupa hljóðfæri.
Einnig hefur íþróttafélagið Neisti notið
góðs af Bingóinu og fengið sinn hluta til
styrktar íþróttastarfsemi yngri flokka.
Síðast en ekki síst hefur Grunnskóli
Djúpavogs fengið sinn skerf. Til dæmis
keypti kvenfélagið alla hluti sem til þurfti
til heimilisfræðikennslunnar. Sem sagt allt
frá teskeiðum til eldavéla og bökunarofna
og einnig þvottavél. Saumavélar gaf félagið
líka til nota við handavinnukennslu og
búnað til eðlisfræðikennslu. Og nú síðast
skanna skjávarpa og borð.
Árið 1978 er á fundi rætt um að gera
leikvöll fyrir yngri bömin, þá var ekki
kominn leikskóli á Djúpavogi. Til þess að
gera langa sögu stutta þá kom félagið upp
leikvelli, en það tók langan tíma fyrir
hreppsnefndina að úthluta stað til að setja
leiktækin niður. Það gekk því miður ekki
vel með leikvöllinn, þar var engin gæsla og
skemmdust tækin vegna þess. Árið 1984 er
kominn hér leikskóli og leiktækin sem enn
var hægt að nota vora gefin þangað.
Ekki ætla ég mér að fara að telja allt upp
sem félagið hefur keypt og gefið hér á
svæðinu svo víða hefur það látið til sín taka
og ótaldir eru allir þeir styrkir sem það
hefur veitt einstaklingum og fjölskyldum
vegna veikinda og og annarra erfíðleika. En
víst er að starfíð hefur fært okkur konunum
mikla gleði. I nokkur ár voru útbúnar
jólaskreytingar, sem gömlu fólki, sem bjó
eitt, voru færðar nokkrum dögum fyrir
jólahátíðina. Þetta fullorðna fólk var af-
skaplega þakklátt fyrir þessa litlu jóla-
glaðningu. Gamall maður sem bjó hér um
75