Múlaþing: byggðasögurit Austurlands - 01.01.2010, Qupperneq 111

Dálítil ferðasaga
Leikurinn var heldur tilþrifalítill og sigr-
uðu Borgfirðingar með tveimur mörkum gegn
einu. Dómari var Guttormur Sigurbjörnsson.
Lið Borgfirðinga var skipað sem hér segir:
markvörður Þorsteinn Jónsson, bakverðir:
Björn Andrésson og Kristinn Björgvinsson,
framverðir: Skúli Andrésson, Jón Andrésson
og Ami Tryggvason, framherjar: Þórður Jóns-
son, Hilmar Jónsson, Sigbjörn Guðmundsson,
Oli Jóhannsson og Einar Sigurðsson.
Eftir að knattspyrnan hætti hófst dans.
Dansað var í tjaldi úr einföldum striga, er
strengdur var á trégrind og er ég hræddur
um, að þetta hefði ekki orðið nein skemmti-
samkoma ef eitthvað hefði verið að veðri.
Músik var sæmileg, en enginn pallur var til að
dansa á og sumstaðar í danstjaldinu var karga
þýfí. Þegar á nóttina leið fór fólk að týnast í
burtu og fengum við Borgfirðingar þá flestir
bílferð út í þorpið. Með Braga fóru þeir Oli
Gústa, Bjöggi og Sigbjöm. Þegar út í þorpið
kom fórum við út í skóla og fórum að sofa,
því að við bjuggumst ekki við, að geta farið
fyrr en síðari hluta mánudags, vegna þess, að
Gunnþór ætlaði að fá gert við það sem bilaði
hafði í „RÁN “ á leiðinni norður. En þó varð
það úr að „SINDRI“ fór strax um morguninn
en „SVANUR“ beið eftir „RÁN“.
Um tólfleytið borðuðum við svo hádeg-
ismat hjá þeirn Önnu og Halldóri og vil ég
flytja þeirn hjónum og heimili þeirra hinar
bestu þakkir fyrir þær móttökur og þá gest-
risni, sem við áttum að mæta í þessari ferð,
því að okkur virtist helst, að það vera heimili
þeirra sem tók á móti okkur, en ekki íþrótta-
félagið Einherjar, sem þó hafði boðið okkur
að koma norður.
Milli tvö og þrjú lögðum við af stað heim-
leiðis. Við komum við í Fagradal, dvöldum
þar á annan klukkutíma og þágum góðgjörðir.
Ferðin heim gekk vel, nerna hvað dálítill
vélarstans var hjá þeim á „RÁN“. Veðrið
var gott, sólskin en dálítill kaldi á flóanum.
„SVANUR“ fór inn á Njarðvík og setti þá,
Bjössa, Nonna, Skúla og Einar þar í land, því
að þennan dag var verið að rýja þar. En þegar
þeir komu á réttina var búið að rýja allt féð.
Jón Helgason var að fletta ullinni af síðasta
gemlingnum hans Andrésar á Nesi, já en það
er nú önnur saga.
Okkur sem fómm þessa ferð var fagnað
hið besta og þótti bæði okkur og öðrum ferðin
hafa tekist með ágætum, og væri mjög æski-
legt að fleiri slíkar ferðir yrðu farnar.
Einn af þeim jjórtán
semfórn í þessa ferð.
Björn Andrésson með KHB bikarinn sem var verðlauna-
gripur, veitturjyrir sigur í Víðavangshlaupi Austurlands
sein Ungmennafélag Eiðaskóla stóð fyrir. Myndin er
fengin úr Snœfelli.
109