Rauðka : úrval úr Speglinum - 01.06.1936, Page 38

„Hjer hefir nú verið sjálfsparað kíttið hjá íhaldinu", sagði Guðjón, þegar við komum í kenslustof-
una í f jósinu. Þar var ekki ein einasta gluggabora. „Þeir ætluðu reyndar að byrla mér það inn, að hjer færu
einhverjar ljóstilraunir fram og þess vegna mætti ekki hafa neina glugga, en sú saga getur gengið í
andatrúarmenn og íhaldið, en ekki mig og dómsmálaráðherra".
>4r „Dæmalaus pest er þetta“, sagði Hagalín, um leið og hann
stakk nefinu niður að einni holunni í hinu svokallaða náðhúsi
dr skólans.
í „Þetta kemur af mataræðinu, sem þessir íhaldsungar hafa.
* Þeim væri sennilega hollara að hafa meira af steinbítnum en
minna af krásum, eins og mín lífsreynsla hefir verið. Annars
skyldi, ef jeg mætti ráða, nemendafjöldinn miðaður við kamr-
ana, en kamrarnir ekki við nemendafjöldann, og mætti þá eitt-
hvað fækka betur en nú er gert“.
Allkynlegur útbúnaður var um stóra ofninn í leikfimissaln-
um. Hafði ofninn sigið árlega, svo að ekki var meira af honum en
sem svaraði % ofangólfs. En til þess að varna því, að hann sykki
alveg, var bundið um hann mörgum reipum, sem voru svo fest
hingað og þangað um bita og stoðir hússins. Þarf því að draga
ofninn upp með miklum mannafla í hvert sinn, er þarf að kveikja
upp í honum eða bæta í hann, og eyðir það allmiklum tíma frá
leikfimisiðkunum.
Því miður er hjer ekki hægt að geta um fleiri annmarka á
skólanum og er þeirra tala þó næstum óteljandi. Skal því aðeins
að lokum minst á helstu ráðstafanir til fyrirhugaðra endurbóta
á skólanum, utan og innan, fyrir hátíðaárið 1930. ^ \
Pöntuð verða 180 þús. kg. af tilbúnu kítti. Skal það ekki einungis notað með gluggum og í rifur
á veggjum, heldur skal einnig jafna með því gólfin, svo að ekki sjáist þar lengur lautir eða hólar svo að
teljandi sje. En um þennan lið er afarerfitt að gera nákvæma áætlun, svo að búast má við að þessi pönt-
un verði alls ekki nægileg, og er þá altaf hægt að bæta við. Ennfremur skal kítta í alla útskurði á
veggjum og á borðum og þau einu þess konar listaverk látin ósnert, sem sjerfræðingar telja að geti ver-
ið eftir Jón Stefánsson. Skulu um þetta dæma þeir einir listamenn, sem ekki eru skyldir, tengdir eða á
annan hátt háðir íhaldinu. Allur kostnaður við þetta verður tekinn af brennivínssektum.
Þá verða pantaðir 380 strangar af gólfteppum frá Bryssel og 560 do. frá Smyrna. Eiga teppin að
vera af mismunandi gerð og gæðum og verður þannig tilhagað, að busarnir fái þau lökustu, en fari svo
hlutfallslega batnandi eftir því, sem ofar dregur í skólanum. Hjá dimittendum skulu vera þrjú lög af tepp-
um, en hjá kennurum tíu.
Pappa allan skal taka eftir þörfum hjá Sveini Jónssyni & Co. Skal hann þar njóta langrar og góðr-
ar bindindisstarfsemi, en ekki tekið tillit til pólitískra skoðana. Vel verður hann þó að gæta þess, að hafa
altaf til bætur af sömu gerð, er bæta þarf, svo að þær verði ekki mislitar, eins og nú á sjer stað.
38 smálestir af allskonar farfa mun þurfa til málningar á skólanum. Þarf ekki að taka það fram,
að þetta er bæði að utan og innan. Þar sem kíttað hefir verið í krot og útskurði skal mála vandlega yf-
ir. Þó skal sjerstaklega tekið fram, að yfir þessa áletrun: „Á þessu borði situr kærastan mín“, skal þrí-
málað, vegna þess að þetta er sennilega ósatt, en aftur á móti skal ekki mála nema einu sinni yfir þann
kennaravitnisburð: „N. N. er djöfuls drullusokkur og delirant“, vegna þess að þetta gæti verið satt.
Sjerstakt stórhýsi þarf að reisa fyrir fatageymslu skólans. Fer sennilega best á því, að það standi
á Skólavörðuholtinu. Til þess þarf að panta ca. 1. millj. stk. af fatasnögum.
ógurlega loftdælu þarf að fá til þess að dæla burt óloftinu á göngum skólans. Því eins og kunnugt
er, hefir sú sem nú er, dælt óloftinu úr bekkjunum út í gangana, þar sem það hefir safnast fyrir. Þarf
hún að vera geysi kraftmikil til þess að ódauninn leggi ekki inn í skóla sr. Ingimars, sem enginn veit hvar
muni standa, og því öruggast að dælan geti spúið óþverranum út fyrir landhelgislínuna.
Fjögurþúsund og átta hesta Bolinder þarf að fá í leikfimissalinn til þess að draga ofninn upp þegar
eitthvað þarf að hlynna að honum, og sparast með því bæði tími og mannafl.
34