Strandapósturinn - 01.06.1978, Síða 65

Jóhannes Jónsson frá Asparvík:
Bóndinn í Kaldrananesi
Asgrímur Bergþórsson
Við lestur fornra sagna verða ýmsar persónur sögunnar les-
andanum hugstæðari en aðrar og fer það að sjálfsögðu eftir mati
lesandans hverju sinni.
Oft birtast þessar sagnapersónur eins og leiftursýn í myrkri
aldanna, örlítið brot af heildarmynd, sem að mestu er horfin og
gleymd.
Oft orka þessar sagnapersónur svo á huga lesandans, að hann
getur ekki gleymt þeim og fer honum því líkt og fornleifaleit-
anda, að hann leitar að fleiri brotum í ruslahaugi liðinna alda og
reynir að setja þau saman svo að heildarmynd náist, en brotin
eru oft svo fá og smá, að ekki er hægt að ná þeirri heildarmynd,
sem æskilegt væri. Þrátt fyrir það getur verið gaman að draga
fram í dagsljós nútímans þá mynd, er fávís lesandi fornra sagna
telur sig hafa fundið við lestur þeirra.
Á fjórða tug þrettándu aldar bjó að Kaldrananesi í Bjarnar-
firði bóndi sá er Ásgrímur hét Bergþórsson. Foreldrar hans voru
Bergþór prestur Jónsson á Stað í Steingrímsfirði og kona hans
Helga Ásgrímsdóttir.
Foreldrar Bergþórs voru Jón prestur Brandsson, Bergþórs-
sonar sá er talinn er fyrstur presta á Stað i Steingrímsfirði sam-
kvæmt prestatali og kona hans Steinunn Sturludóttir, Þórðar-
sonar í Hvammi (Hvamms-Sturlu), Gilssonar, Snorrasonar,
Jörundssonar. Móðir Steinunnar var Ingibjörg Þorgeirsdóttir,
Hallasonar frá Hvassafelli í Eyjafirði. Ingibjörg var áður gift
Helga Eiríkssyni í Lönguhlíð og var Hvamms-Sturla því seinni
63