Strandapósturinn - 01.06.1978, Síða 70

hversu mjög Sturla bróðir minn upphóf þig og svo hið þriðja,
hversu þú varst við alla hrakninga á Örlygsstöðum og sást lát
frænda þinna og þeirra manna, sem þér mun aldrei úr hug
ganga.
Ásgrímur varðist marga vega og kænlega og kom lagagrein
fyrir sig, því að hann var forvitri, fyrst með eiðum þeim, er hann
hafði svarið Kolbeini, þá sagði hann, sem satt var, að hann sat í
næsta lagi við Norðlendinga til að vera í fjandskap við þá. Dró
Ásgrímur svo sitt mál um síðir, að hann lézt hvergi fara mundi.
Þá átti Þórður tal við aðra bændur. Drógu allir sig undan,
þegar þeir vissu að Ásgrímur myndi heima sitja.
Ásbjörn hét maður Guðmundsson smiðs Salomonssonar.
Hann var einhleypur og vaskur maður. Eigi var hann ættstór.
Hann var við samtal þeirra Ásgríms og Þórðar.
Hann gekk fyrir Þórð og mælti. Hverju sætir það, að þú
kveður enga menn aðra til ferðar þessarar, en bændur? Viltu eigi
aðra nýta? Ég vil bjóðast til ferðar með þér og ætla að vera þér
meiri en einn bóndi. Fá þú mér sveit manna og mun ég reyna að
krefja bændur til fylgdar við þig. Þórður tók þessu vel og fékk
Ásbirni níu menn og kallaði þá gesti. Fór þá Ásbjörn út eftir
Steingrímsfirði, voru þá flestir bændur burtu af bæjum sínum og
höfðu farið í felur. Höfðu þeir heyrt kvitt af þessari ráðagerð
kvöldið áður. En þeim er heima voru, var öllum þröngvað til að
ganga í lið með Þórði. Fór Ásbjörn þar til er hann kom í Húsavík.
Högni hét bóndi er þar bjó, var hann í brottu. Ásbjörn tók konu
hans og hafði með sér og ætlaði að bændur myndu eftir ríða og
myndi hann þannig ná fundi þeirra. Högni fékk njósn af, að
kona hans var í brott tekin og fór eftir þeim Ásbirni við fjórtánda
mann. Fundust þeir við heygarð nokkurn. Beiddi Högni þá, að
Ásbjörn vildi láta lausa konu hans, en Ásbjörn bað þá fara með
sér og færi húsfreyja þá heim. Bændur vildu það eigi og sögðu
hann annars maklegan. Þá skaut Ásbjörn spjóti að Högna og
fékk hann sár mikið og banvænt, en ekki varð að þeir berðust og
fluttu bændur Högna heim.
Á Jónsmessukvöld fyrir Flóabardaga 1244, er Þórður lá á
skipum sínum undir Árnesey (Trékyllisey), kom Ásgrímur til
68