Strandapósturinn - 01.06.1993, Page 86

okkur við átthagana er undirrót þess, að fólk frá hinum ýmsu
byggðum, sem sest hefur að í þéttbýli, hefur fundið hjá sér þörf til
að mynda með sér félög. Atthagafélög hafa fyrst og fremst því
hlutverki að gegna að gefa fólki frá sama héraði tækifæri til að
hittast, viðhalda gömlum kynnum, minnast æskustöðvanna og
stilla saman sína strengi, eins og við skulum svo sannarlega gera
hér í kvöld, og koma í veg fyrir að tengsl við gömlu byggðina rofni.
Sá sem slitnar úr tengslum við uppruna sinn vill oft verða rótlaus
og ístöðulítill. Einnig hafa átthagafélög í vissum tilfellum rétt
heimabyggðinni hjálparhönd.
Nokkrum sinnum frá styrjaldarárunum höfðu Strandamenn
hér í Reykjavík hist og haldið samkomur án þess að um formlegan
félagsskap væri að ræða. Fyrir nákvæmlega 40 árum eða þann 6.
febrúar 1953 var fjölmennur hópur Strandamanna saman kom-
inn í Tjarnarkaffi í Reykjavík, í þeim tilgangi að stofna formlegan
félagskap.
Samkvæmt fyrstu fundargerð Átthagafélagsins munu eftirtald-
ir 5 menn hafa verið í undirbúningsnefnd stofnfundarins: Þor-
steinn Matthíasson frá Kaldrananesi, Sigvaldi Kristjánsson frá
Kjörseyri, Torfi Guðbrandsson frá Heydalsá, Haraldur Guð-
mundsson frá Kollsá, og Björn Benediktsson frá Asmundarnesi.
Eg vil leyfa mér að lesa kafla úr stofnfundargerðinni sem er
rituð af Torfa Guðbrandssyni. Þar segir:
„Fundurinn var settur kl. 8.40 af Sigvalda Kristjánssyni er
stjórnaði fundi og skipaði hann Torfa Guðbrandsson fundarrit-
ara.
Gjörðir fundarins voru:
1. Þorsteinn Matthíasson frá Kaldrananesi flutti ávarp og gerði
grein fyrir aðdraganda stofnfundarins og störfum undirbún-
ingsnefndar. Taldi hann stofnun átthagafélags Stranda-
manna tímabært málefni, þar sem svo margt fólk væri flutt til
Reykjavíkur úr sýslunni. Höfðu þeir Sigvaldi Kristjánsson yfir-
farið manntalið frá 1951 og komist að þeirri niðurstöðu að í
Reykjavík væru nú heimilisfastir 550 manns sem fæddir eru í
84