Strandapósturinn - 01.06.1993, Blaðsíða 89
ísleifi. Áður, eða 1963 hafði nefndin gengist fyrir fjársöfnun
vegna byggðasafnsins að Reykjaskóla, meðal Strandamanna í
Reykjavík og nágrenni, sem gekk mjög vel.
Kór Átthagafélags Strandamanna hefur starfað óslitið frá 1958.
Aðalhvatamaður að stofnun kórsins var Skeggi Samúelsson. Kór-
inn hefur oft sungið á skemmtunum Átthagafélagsins og víðar.
Einnig hefur hann haldið sjálfstæða tónleika. Á seinni árum er
það orðið árvisst að kórinn haldi opinbera tónleika tvisvar á ári —
vortónleika og aðventutónleika á jólaföstunni. Þessir tónleikar
hafa tekist vel, verið vel sóttir og kórnum til sórna. Ekki má gleyma
því, að við getum brugðið plötu á fóninn og hlýtt á söng kórsins
okkar, því kórinn hefur sungið inn á tvær plötur, sem Átthagafé-
lagið gaf út. Þá fyrri 1979 og hin síðari kom út 1984.
Kórinn hefur jafnan haft ágæta söngstjóra. Jón Pétur Jónsson
frá Drangsnesi var söngstjóri frá upphafl og til 1972. Þá tók
Magnús Jónsson frá Kollafjarðarnesi við stjórninni og stjórnaði
kórnum til 1983. Núverandi söngstjóri er Erla Þórólfsdóttir. Erla
hefur stjórnað kórnum nær óslitið síðan Magnús hætti 1983.
I kórnum hafa oftast verið nálægt 30 konur og karlar. Þetta fólk
hefur lagt á sig mikið og fórnfúst starf, veitt okkur ómælda
ánægju og aukið hróður Átthagafélagsins.
Ársrit Átthagafélagsins — Strandapósturinn hefur komið út
síðan 1967. Geysilegar breytingar hafa orðið á þessari öld í
Strandasýslu, sem annars staðar á landinu, í atvinnuháttum og
öllu daglegu lífi fólks. Tæknibyltingin hefur ýtt til hliðar gömlum
verkfærum og vinnubrögðum. Megintilgangur Átthagafélagsins í
Reykjavík með útgáfu Strandapóstsins hefur verið og er að varð-
veita vitneskju um görnul vinnubrögð og lífshætti og halda til haga
margs konar þjóðlegum fróðleik af Ströndum. En við erum ekki
eingöngu bundnir við fortíðina. Við viljum líka að í Strandapóst-
inum sé sagt frá lífi og starfi fólksins í dag heima í sýslunni okkar.
Fréttaannálar að heiman eru því kærkomnir í ritinu. Fjölmargir
hafa lagt ritinu lið í röskan aldarfjórðung. En ég hygg að tveim
mönnum, sem báðir eru horfnir yfir móðuna miklu, eigum við
mest að þakka. Þorsteinn Matthíasson frá Kaldrananesi hóf efnis-
öflun og ýtti ritinu úr vör. Jóhannes Jónsson frá Asparvík skrifaði
87